Siðareglurnar nái varla yfir mál Ágústs

Jón Steindór mun ekki beita sér fyrir því að mál ...
Jón Steindór mun ekki beita sér fyrir því að mál Ágústs Ólafs fari fyrir siðanefnd. mbl.is/Eggert

„Þessi mál eru að mörgu leyti ólík þó að bæði séu alvarleg. Ég held að siðareglur þingsins nái varla yfir hans mál,“ segir Jón Steindór Valdimarsson, þingmaður Viðreisnar, aðspurður hvort hann telji mál Ágústs Ólafs Ágústssonar þess eðlis að siðanefnd Alþingis ætti að taka það fyrir.

Jón Steindór var einn þeirra þingmanna sem óskuðu eftir því við forsætisnefnd Alþingis að mál þingmannanna sex, sem komu saman á Klaustri bar 20. nóvember og fóru þar ófögrum orðum um samstarfsfólk, aðallega konur, fatlaða og hinsegin fólk, að mál sexmenninganna yrði tekið fyrir að siðanefndinni.

Hann segir þó að telji einhverjir rétt að vísa málinu til siðanefndar, muni siðanefnd sjálf taka afstöðu til þess hvort málið eigi heima hjá nefndinni.

Sjálfur kveðst hann ekki munu beita sér fyrir því og tekur í sama streng og samflokksmaður hans, Þorsteinn Víglundsson, sem í viðtali við Morgunblaðið í gær sagði að siðareglur Alþingis miðist við háttsemi þingmanns sem tengist starfi hans.

„Mér finnst að bæði hann og þingmenn úr Klausturmálinu verði fyrst og fremst að eiga það við sína samvisku hvort þeir séu að gera sjálfum sér gott, og hvað þá öðrum, með áframhaldandi þingsetu. Þetta þurfa menn að vega og meta og það eru þeir einir sem geta gert það,“ segir Jón Steindór aðspurður hvort honum þyki Ágústi Ólafi sætt á þingi í ljósi málavaxta.

Mbl.is hefur náð í nokkra aðra þingmenn sem voru á lista yfir þá sem óskuðu eftir því að forsætisnefnd tæki málið fyrir. Helgi Hrafn Gunnarsson, þingmaður Pírata, vildi ekki tjá sig um málið og þær Helga Vala Helgadóttir og Albertína Friðbjörg Elíasdóttir, þingmenn Samfylkingarinnar, vísuðu á Loga Einarsson, formann flokksins, sem hefur sagt að málið hafi verið afgreitt af faglegri siðanefnd innan flokksins.

Málið horfi ekki öðruvísi við henni

Heiða Björg Hilmisdóttir, varaformaður Samfylkingarinnar, sagði í samtali við mbl.is fljótlega eftir að Ágúst Ólafur gaf út yfirlýsingu um málið. Hún sagðist vona að hann hafi fengið samþykki þolandans fyrir yfirlýsingunni.

Heiða Björg Hilmisdóttir.
Heiða Björg Hilmisdóttir. Ljósmynd/Aðsend

Þegar þolandinn, Bára Huld Beck, steig fram kom í ljós að svo var ekki. Þar sagði hún málsatvikalýsingu Ágústs Ólafs ekki í samræmi við upplifun hennar af atvikinu og að það hafi aldrei vakað fyrir henni að gera málið opinbert. Sú ákvörðun hafi hins vegar verið tekin úr hennar höndum.

„Ég hef í rauninni engu við þetta að bæta,“ sagði Heiða Björk þegar mbl.is náði af henni tali í dag. Hún sagði málið ekki horfa öðruvísi við sér þrátt fyrir að komið hefði í ljós að hann hafi ekki fengið samþykki þolanda. Hún standi við það sem hún sagði.

„Mér finnst alltaf, ef gerandi ætlar að fara fram, að hann eigi að gera það í samráði við þolanda, alveg óháð því hver það er.“

mbl.is

Bloggað um fréttina

Innlent »

Björguðu kindum úr sjálfheldu

16:05 Sextán björgunarsveitarmenn úr Grindavík björguðu fjórum kindum úr sjálfheldu á klettasyllu í Bæjarfelli við Krísuvík í gærkvöldi. Talsmaður björgunarsveitarinnar segir að kletturinn sé um 30 metra hár og voru kindurnar fastar á syllunni um átta metra neðan við bjargbrún. Meira »

Flýgur áfram til Íslands í sumar

15:46 Bandaríska flugfélagið American Airlines hyggst fljúga áfram á milli Íslands og Dallas-borgar í Bandaríkjunum í sumar líkt og félagið gerði síðasta sumar. Hins vegar hafa íslensku flugfélögin Icelandair og WOW air bæði hætt að fljúga til borgarinnar. Meira »

Vilja fjögurra þrepa skattkerfi

15:27 Miðstjórn ASÍ samþykkti á fundi sínum í dag tillögur efnahags-, skatta- og atvinnumálanefndar sambandsins um breytingar á skattkerfinu sem auka jöfnuð og ráðstöfunartekjur meginþorra launafólks. Meira »

Heita fundarlaunum fyrir bílinn

15:23 Eigendur bifreiðar af gerðinni Land Rover Discovery, sem stolið var frá Bjarnarstíg í Reykjavík í fyrrinótt, hafa ákveðið að veita 200 þúsund krónur í fundarlaun í von um að bíllinn finnist. Meira »

Óuppfyllt íbúðaþörf mun minnka

15:16 „Tillögurnar munu auka framboð, tryggja stöðugleika á markaðnum og lækka byrði húsnæðiskostnaðar hjá viðkvæmum hópum, komist þær til framkvæmda,“ segir Ólafur Heiðar Helgason, hagfræðingur í hagdeild Íbúðalánasjóðs, í samtali við mbl.is, um nýjar húsnæðistillögur átakshóps ríkisstjórnarinnar sem kynntar voru í gær. Meira »

Fiskistofa ítrekað bent á vandann

15:14 Stjórnendur Fiskistofu hafa ítrekað bent á þann vanda sem við er að etja vegna eftirlits með fiskveiðum. Þeir telja skýrslu Ríkisendurskoðunar um eftirlitshlutverk Fiskistofu vandaða og að hún bendi réttilega á margvíslega erfiðleika í þessum efnum. Meira »

Þjórsárdalur friðlýstur í heild

15:00 Minjastofnun hefur gert tillögu að friðlýsingu alls búsetulandslags Þjórsárdals. Tillagan er unnin samhliða tillögu að friðlýsingu náttúruminja í hluta dalsins. Gangi áform Minjastofnunar eftir verður Þjórsárdalur fyrsta svæðið til að hljóta friðlýsingu í heild sinni en hingað til hefur tíðkast að friðlýsa staka minjastaði. Meira »

Skilur ekki af hverju hann er ákærður

14:55 Aðkoma Kjartans Bergs Jónssonar að því máli, sem nú er til aðalmeðferðar í Héraðsdómi Reykjavíkur, er afar takmörkuð, að hans eigin sögn, en hann gaf skýrslu núna eftir hádegið og sagðist þar meðal annars ekki einu sinni skilja þann lið ákærunnar sem beinist að honum. Meira »

Tölum ekki í farsímann við akstur

14:30 Í átaki Samgöngustofu og fleiri sem ber yfirskriftina Höldum fókus eru farnar nýjar leiðir til að minna ökumenn á hversu hættulegt það er að nota símann undir stýri. Meira »

Bíógagnrýni: Glass og Close

14:00 Raggi Eyþórsson, bíógagnrýnandi og framleiðandi, gaf Glass og Close ekki beint góða dóma, en þó eru greinilega ágætissprettir í hvorri mynd um sig. Meira »

„Verður ekki gefinn mikill tími“

13:51 „Ég held að það sé alveg morgunljóst að enn ber gríðarlega mikið í milli,“ segir Vilhjálmur Birgisson, formaður Verkalýðsfélags Akraness, í samtali við mbl.is. Fulltrúar Samtaka atvinnulífsins funduðu í morgun ásamt viðsemjendum sínum; fulltrúum VR, Eflingar, Verkalýðsfélags Akraness og Verkalýðsfélags Grindavíkur. Meira »

Innherjinn kveðst „japanskur í hugsun“

13:28 Nú hafa tveir sakborningar af þremur lokið við að gefa skýrslu fyrir Héraðsdómi Reykjavíkur, þar sem fram fer aðalmeðferð í innherjasvikamáli, tengdum viðskiptum með afleiður, sem byggðust á hlutabréfaverði í Icelandair Group. Meira »

Telur tillögurnar vel unnar

13:27 Vel er tekið í tillögur átakshóps stjórnvalda í húsnæðismálum í fréttatilkynningu frá Bandalagi starfsmanna ríkis og bæja (BSRB). Tillögurnar, sem kynntar voru í gær, eru sagðar vel unnar og gott innlegg í umræðuna. Meira »

Meirihluti telur farsímanotkun hættulega

13:00 Meirihluti svarenda í viðhorfskönnun sem Samgöngustofa gerði í lok síðasta árs telur hvers konar notkun farsíma meðan á akstri stendur hættulega. Samgöngustofa, Sjóvá og Strætó hafa nú hrundið af stað átakinu Höldum fókus í fjórða sinn. Meira »

Þrír fundir í næstu viku

12:52 Boðað hefur verið til þriggja funda í næstu viku í kjaradeilu VR, Eflingar, Verðalýðsfélags Akraness og Verkalýðsfélags Grindavíkur við Samtök atvinnulífsins. Fundað var í morgun þar sem ákveðið var að taka frá þrjá daga í næstu viku. Meira »

Opið í Bláfjöllum í dag

12:22 Opið verður í Bláfjöllum kl. 14-21 í dag. Á svæðinu er fimm stiga frost og vindhraðinn á bilinu 2-3 metrar á sekúndu.   Meira »

676 milljónir króna í geymslu

11:17 Rúmlega 676 milljónir króna skal leggja inn á bankareikning og geyma þar uns skorið verður úr um það í dómsmálum hvort krafa Íslandsbanka til fjárins sé á rökum reist. Meira »

„Örugg eyðing gagna“ almennt orðasamband

11:08 Áfrýjunarnefnd neytendamála hefur fellt úr gildi ákvörðun Neytendastofu sem bannaði Íslenska gámafélaginu að nota auðkennið „Örugg eyðing gagna“. Meira »

Bólusetningar barna óumdeild heilsuvernd

10:56 Bólusetningar barna eru mikilvæg heilsuvernd. Þetta kom fram í máli Gerðar Aagot Árnadóttur heimilislæknis í Ísland vaknar. Hún benti á að þrátt fyrir að einhverjir kjósi að láta ekki bólusetja börn sín fyrir alls kyns sjúkdómum væri það óumdeilt á meðal fagfólks að bólusetningar væru ein besta heilsuvernd sem í boði er. Meira »
Solbadsstofan Super sól
Solbadsstofan Super sól med nyir bekkir ,standandi og ligjandi ,ljos og kolagen ...
Vetur í Biskupstungum...
Eigum laust sumarhús í jan/feb í nokkra daga. Hlý og kósí hús með heitum potti....
HRINGSTIGAR _ HRINGSTIGAR
Hringstigar, úti sem inni. Þvermál 120, 130, 140, 150, 160, 170 cm og sérsmíði í...
Matador Continental vetrardekk
Rýmingarsala Matador Continental vetrardekk til sölu 195/70 R 14 225/70 R 16 225...