Vindur fyrir tvo milljarða

Bjarni Þór Gunnlaugsson, framkvæmdastjóri Naust Marine.
Bjarni Þór Gunnlaugsson, framkvæmdastjóri Naust Marine. mbl.is/Kristinn Magnússon

Íslenska sjávarútvegstæknifyrirtækið Naust Marine hefur gengið frá samningi um framleiðslu vindubúnaðar fyrir sex nýja rússneska togara. Um er að ræða langstærsta verkefni fyrirtækisins til þessa og hljóðar samningurinn upp á um tvo milljarða króna.

Frá þessu greinir Bjarni Þór Gunnlaugsson, framkvæmdastjóri Naust Marine, í samtali við 200 mílur, en blaðinu í dag fylgir 48 síðna sérblað 200 mílna um sjávarútveg.

Einnig er í samningnum ákvæði upp á mögulega fjögur skip til viðbótar að sögn Bjarna Þórs.

Íslensku tæknifyrirtækin í sjávarútvegi hafa að undanförnu sótt í auknum mæli á Rússlandsmið, þar sem ljóst er að þar í landi er hafin vinna við að endurnýja úr sér genginn fiskiskipaflota. Markaðurinn er stór og útgerðirnar og skipin sömuleiðis, eins og Bjarni hefur reynt.

„Þessi útgerð sem við erum að semja við núna er með eina 40 togara. Það segir ýmislegt. Þetta eru gríðarlega stórar útgerðir og hafa farið stækkandi.“

Til samanburðar voru 44 togarar skráðir hérlendis við lok síðasta árs, að því er fram kemur í Morgunblaðinu í dag.

Nánar um málið
í Morgunblaðinu
Áskrifendur:
Nánar um málið
í Morgunblaðinu
Áskrifendur:
Fleira áhugavert
Fleira áhugavert