Skipstjórinn laus úr haldi

Lögreglan á Vestfjörðum hefur sleppt úr haldi skipstjóra sem var handtekinn í gærkvöldi grunaður um að hafa stjórnað fiskibáti undir áhrifum fíkniefna auk gruns um brot á lögum um lögskráningu sjómanna.

Í gærkvöldi var greint frá því að björgunarsveitir hefðu verið kallaðar út vegna báts sem virtist hafa dottið út af ferilvöktun. Í framhaldinu kom í ljós að um lögreglumál var að ræða.

Frétt af mbl.is

Báturinn fundinn og skipstjórinn handtekinn

Lögreglan á Vestfjörðum greinir frá því, að hún hefði fengið upplýsingar í gærkvöldi um að skipstjóri á fiskibát væri mögulega undir áhrifum fíkniefna við stjórn bátsins. Báturinn var þá að nálgast Flateyri að loknum veiðum.

Lögreglumenn fóru á Flateyri í því skyni að athuga áreiðanleika upplýsinganna.

Lögreglubifreið lögreglunnar á Vestfjörðum. Ljósmynd/Lögreglan

„Þegar báturinn var að leggjast að bryggju og skipstjórinn varð var við lögreglumennina, snéri hann frá, sigldi úr höfn og áleiðis út Önundarfjörð. Slökkti hann um leið öll siglingaljós og fljótlega á sjálfvirkum tilkynningarskyldubúnaði. Því gat Vaktstöð siglinga m.a. ekki séð staðsetningu bátsins.

• Blogga um frétt