Mikill fjöldi erlendra ferðamanna kaus að dvelja á Íslandi yfir hátíðirnar og var uppbókað á flestum hótelum í Reykjavík yfir áramótin. Formaður Félags fyrirtækja í hótel- og gistiþjónustu segir hátíðirnar hafa verið góðar fyrir greinina.

Þá voru fleiri veitingastaðir opnir á gamlárskvöld en áður og voru þeir vel sóttir. Rekstraraðili segir fleiri hafa farið út að borða í Reykjavík en áður á þessum degi og einkenndist kvöldið af jákvæðum anda gesta sem og starfsmanna.

Talsverður fjöldi var í miðbæ Reykjavíkur, en einnig eru í boði skipulagðar ferðir á brennur og flugeldasýningar fyrir ferðamenn. Þær eru vinsælar meðal erlendra gesta, en eftirspurnin er umfram framboð af plássi við viðburðina, að því er fram kemur í umfjöllun um mál þessi í Morgunblaðinu í dag.

Tengdar fréttir

Ferðamenn á Íslandi

Innviðir komnir að þolmörkum

• „Var lengi vel eini vinur ferðaþjónustunnar“
• „Hækkun VSK á ferðaþjónustu er þjóðhagslegt óráð“
• Mikill áhugi ferðamanna á þyrluflugi
• „Auðvelt að verðleggja sig út af markaðnum“

» Fleiri tengdar fréttir