Sunna Elvira Þorkelsdóttir verður ekki á vitnalista í hinu svokallaða Skáksambandsmáli, en Sigurður Kristinsson fyrrverandi eiginmaður hennar er einn þriggja sakborninga í málinu. Frá þessu er greint á vef RÚV.

Anna Barbara Andradóttir saksóknari hjá ríkissaksóknara hefur staðfest þetta við bæði RÚV og Vísi í dag og segir að ekki hefði verið talin þörf á því að hafa Sunnu Elviru á vitnalista í málinu.

Aðalmeðferð málsins hefst á mánudag í Héraðsdómi Reykjavíkur. Þremur ákærðu er gefið að sök að hafa reynt að smygla fimm kílóum af amfetamíni til landsins, í sendingu sem var ætluð Skáksambandi Íslands.

Í frétt RÚV kemur fram að gert sé ráð fyrir því að aðalmeðferðin á mánudag verði stutt, þar sem ekki hafi tekist að boða spænska lögreglumenn fyrir dóminn í tæka tíð. Þeir munu koma síðar fyrir dóm.

Frétt af mbl.is

Jólaleyfi gæti flækt vitnaleiðslur

Tengdar fréttir

Skáksambandsmálið

Dómur Sigurðar mildaður í Landsrétti

• Ákærð fyrir meiriháttar skattalagabrot
• Sigurður í farbanni þar til dómur fellur
• Hætta talin á að Sigurður færi úr landi
• Sigurður fékk fjögurra og hálfs árs dóm

» Fleiri tengdar fréttir

• Blogga um frétt