Sparnaður bæti fyrir gjaldtökuna

Vaðlaheiðargöng hafa nú verið opnuð. Gjaldtaka ganganna hefur verið gagnrýnd, ...
Vaðlaheiðargöng hafa nú verið opnuð. Gjaldtaka ganganna hefur verið gagnrýnd, en stjórnarformaður segir að ávinningur af því að fara um þau sé meiri en sem nemur kostnaði. mbl.is/Þorgeir

Hilmar Gunnlaugsson, stjórnarformaður Vaðlaheiðarganga, segir notendur ganganna skjótlega munu finna fyrir þeim sparnaði sem göngunum fylgir og að hann nemi meiru en kostnaði við að fara um þau. Gunnar M. Guðmundsson, framkvæmdastjóri SBA-Norðurleiðar, sagði í samtali við RÚV í gær að fyrirtækið treysti sér ekki til að aka um göngin vegna hárra gjalda fyrir stóra bíla. Inntur eftir viðbrögðum við gagnrýninni segir Hilmar að samtal eigi sér stað þessa dagana við viðskiptavini og hagsmunaaðila.

„Við munum ræða við hann og fleiri um gjaldið og sjá hvernig reynslan verður. Gjaldskráin er í stöðugri endurskoðun, en ég held að menn muni strax finna að ávinningur af þessum göngum sé svo miklu meiri en sem nemi bara sparnaði á eldsneyti og þess háttar hlutum. Tími fólks og fleira þess háttar kemur inn í þetta,“ segir Hilmar.

Aðspurður segir hann tímasparnað við að fara um göngin við bestu aðstæður um tíu mínútur. „Síðan getur hann orðið miklu meiri þess utan, þegar það er ófærð og þess háttar,“ segir hann.

„Við viljum ræða við viðskiptavini okkar beint og erum sannfærðir um að við náum að finna þann milliveg sem þarf, annars vegar til að greiða upp lánið og hins vegar til þess að fólk nýti göngin,“ segir Hilmar.

Sjálfsagt að fjölga ferðum keyptum í einu lagi

Veggjald fyrir bíla sem vega meira en 3,5 tonn er 6 þúsund krónur fyrir staka ferð, en verð á hverja ferð ef keypt eru 40 skipti í einu er 5.200 krónur. Nemur afslátturinn 13%. Gunnar sagði þetta of dýrt miðað við fjölda dagsferða fyrirtækisins frá Akureyri.

„Afslátturinn er samkvæmt Evrópureglugerð og hann má ekki vera meiri,“ segir Hilmar. „Það er talað um samkeppnisakstur í reglugerðinni, en það yrði of flókið að ætla sér að greina þetta eftir tilefni aksturs. Við getum ekki miðað við annað en hlutlæg viðmið á borð við þyngd og látið það sama yfir alla ganga og þá má afslátturinn ekki vera meiri,“ segir hann.

Með því að fara göngin má spara tíu mínútur við ...
Með því að fara göngin má spara tíu mínútur við bestu aðstæður. Meira þegar aðstæður eru verri eða ófært um Víkurskarð.

Einnig var gagnrýnt að ekki væri hægt að kaupa fleiri ferðir en 40 í einu, en Hilmar segir mjög auðvelt að gera breytingu á þessu.

„Við höfum verið í samtali við þessa aðila í langan tíma og höfðum stillt þessu þannig upp að það væri hægt að kaupa 120 ferðir. Þó að það sé hægt að kaupa 40 ferðir í einu, þá er hægt að gera það þrisvar og við héldum að það væri nóg. Það er að ekkert nema sjálfsagt að menn geti keypt sér fleiri ferðir. Auðvitað koma upp svona mál sem verða síðan löguð á nokkrum dögum eða vikum,“ segir Hilmar.

Fram kom í viðtali RÚV við Gunnar að á annasömustu dögum þyrfti fyrirtækið að greiða um 700 þúsund krónur í göngin.

„Ég fagna því að menn sjái fyrir sér svo mikil not á þessu samgöngumannvirki,“ segir Hilmar. „Þetta kemur reyndar ekki á óvart enda er t.d. töluvert um að skemmtiferðaskip leggi að á Akureyri og farið sé í nálægar náttúruperlur sem oftar en ekki eru austan megin við göngin. Ég hygg að menn hafi einfaldlega meiri tækifæri á að vinna tíma með því að nota göngin og ná fram meiri sparnaði en sem nemur þessum kostnaði. Ég vona það alla vega,“ segir hann.

Hagfelldari nálgun en í öðrum Evrópuríkjum

Gunnar gagnrýndi einnig að ekki væri sértakt gjald fyrir smærri hópbifreiðar, svonefnda „kálfa“, sem geta ferjað um tuttugu manns. Í gjaldskránni er aðeins gert ráð fyrir tveimur flokkum, öðrum fyrir bifreiðar undir 3,5 tonnum að þyngd og hinum yfir því marki.

„Ástæðan fyrir því að gjaldskráin er í tveimur flokkum er að við fórum að fordæmi nánast allra Evrópulanda. Þó er munurinn sá að við miðum við eigin þyngd meðan þar er miðað við heildarþyngd. Hér á landi hefði það þýtt að fleiri féllu í dýrari flokkinn. Þessi leið er hagfelldari að þessu leyti. Auðvitað eru verðin ekki alls staðar þau sömu, en það hvernig menn fara á milli flokka er sambærilegt. Eitt af því sem verður skoðað er hvort ástæða sé til að breyta, ekki bara verði, heldur einnig flokkum í gjaldskrá. Ég ætla ekkert að útiloka í þessum efnum, en ekkert hefur verið ákveðið og verður sjálfsagt ekki ákveðið alveg á næstunni,“ segir Hilmar.

Hann segir forsvarsmenn Vaðlaheiðarganga hafa átt í samvinnu við Samtök aðila í ferðaþjónustu fyrir hönd rútufyrirtækja.

„Við höfum einnig verið í samtali við einstaka aðila til þess að læra og greina þarfir. Það er þannig með samráð og samtal að það er alltaf hægt að gera betur og við leggjum okkur fram um það,“ segir hann. „Samtalið við SAF er um heildstæðar lausnir en síðan gerum við ráð fyrir að það verði gert einhvers konar samkomulag við hvern og einn sem flokkast sem stórnotandi,“ segir Hilmar. Á mánudag er fyrirhugaður fundur með fulltrúum bílaleiga.

mbl.is

Bloggað um fréttina

Innlent »

Hlekktist á við lendingu

12:02 Kennsluvél á vegum Keilis hlekktist á í lendingu á flugvellinum á Flúðum í morgun. Einn nemandi var um borð í vélinni en hann sakaði ekki. Meira »

Er ekki nóg að hafa hitt?

11:10 „Eins og flestum mun vera ljóst þá er það að missa barn eitthvað það þungbærasta sem hægt er að ímynda sér. Eitthvað sem enginn vill og enginn ætti að þurfa að lenda í. En lifi maður það af sjálfur verður það kannski til þess að maður kann betur að meta það sem vel hefur tekist til.“ Meira »

Átta nauðganir til rannsóknar

10:51 Lögreglan á Suðurnesjum rannsakaði 42 kynferðisbrot, þar af átta nauðganir, á síðasta ári. Slík brot „voru nokkuð mörg“ að því er fram kemur í ársskýrslu embættisins. Rannsókn kynferðisbrotamálanna er í forgangi hjá embættinu og stefnt er að því að ljúka henni á 60 dögum. Meira »

„Ég er ekki sú sama og ég var“

10:39 „Það er erfitt að setja stiku á breytingarnar sem orðið hafa hjá mér sl. tvö ár. Ég er ekki sú sama og ég var, en hluti af mér er enn til staðar. Eftir að ég stóð upp og sagði frá því að ég væri með Alzheimer upplifði ég frjálsræði og skömmin sem ég upplifði af því að vera með sjúkdóminn hvarf,“ segir Ellý Katrín Guðmundsdóttir, sem greindist með Alzheimersjúkdóminn fyrir fjórum árum, þá 51 árs gömul. Meira »

Aldrei fleiri hlaupið 10 kílómetrana

10:23 Hátt í þrjúþúsund keppendur í 10 kílómetra hlaupi Reykjavíkurmaraþons Íslandsbanka hlupu af stað frá Lækjargötu á tíunda tímanum í morgun. Meira »

Miðborgin ein allsherjargöngugata

10:03 Á Menningarnótt er miðborg Reykjavíkur breytt í eina allsherjargöngugötu og lokað fyrir almenna bílaumferð frá Snorrabraut að Ægisgötu klukkan sjö í morgun. Opnað verður aftur fyrir almenna umferð klukkan eitt í nótt. Meira »

Erill hjá lögreglu í nótt

09:14 Tilkynnt var um æstan einstakling í Hlíðahverfi í Reykjavík á tólfta tímanum í gærkvöldi, en eftir viðræður við lögreglu hélt hann sína leið. Þá voru þrír handteknir í miðbænum rétt fyrir miðnætti, grunaðir um innbrot í bifreið. Þeir voru allir vistaðir í fangageymslu í þágu rannsóknar málsins. Meira »

36. Reykjavíkurmaraþon Íslandsbanka hafið

08:40 Ræst var út í Reykjavíkurmaraþon Íslandsbanka í 36. sinn í Lækjargötu nú klukkan 8:40. Keppendur í heil- og hálfmaraþoni eru því lagðir af stað í 21 og 42 kílómetra hlaup. Meira »

Ræddu um að loka Hvalfjarðargöngum

08:18 Spennuþrungið ástand var fram eftir sumri 2018 þegar reynt var að ná samkomulagi við ríkið um hvernig staðið yrði að afhendingu ganganna í lok september, að því er fram kemur í Morgunblaðinu í dag. Meira »

Bankastjóri gekk í hús

08:10 Birna Einarsdóttir, bankastjóri Íslandsbanka, gekk í hús í nokkrum af þeim götum sem farið verður um í Reykjavíkurmaraþoninu ásamt samstarfsfólki sínu á fimmtudag og þakkaði fólki fyrir stuðninginn undanfarin ár. Meira »

Hagnaður tryggingafélaga áttfaldast milli ára

07:37 Samanlagður hagnaður stóru tryggingafélaganna þriggja fyrir skatta, TM, Sjóvá og VÍS, nær áttfaldast á milli ára, sé horft til fyrstu sex mánaða þessa árs í samanburði við fyrstu sex mánuði síðasta árs. Meira »

Viðrar ágætlega til Menningarnætur

07:35 Útlit er fyrir hæga breytilega átt á mestöllu landinu í dag, laugardag, og væntanlega verður skýjað að mestu og dálitlir skúrir á víð og dreif. Þetta kemur fram í hugleiðingum veðurfræðings Veðurstofu Íslands. Meira »

Á rúmlega tvöföldum hámarkshraða

07:19 Ökumaður var stöðvaður á Reykjanesbraut á tíunda tímanum í gærkvöldi eftir að bifreið hans mældist á 185 km/klst, en þar er hámarkshraði 90 km/klst. Meira »

Jarðskjálfti í Krýsuvík í nótt

07:14 Jarðskjálfti af stærð 3,4 varð í Krýsuvík kl. 01:34 í nótt. Nokkrir eftirskjálftar fylgdu í kjölfarið ern voru þeir allir undir 1 að stærð. Meira »

Fyrsta barn ársins fætt í Eyjum

05:30 Fyrsta barn ársins í Vestmannaeyjum fæddist þriðjudaginn 20. ágúst. Það var stúlka, 16 merkur og 53 cm. Að sögn móður stúlkunnar gekk fæðingin vel og heilsast þeim mæðgum vel. Meira »

Hefur áhyggjur af íslenskunni

05:30 „Ég hef fyrst og fremst áhyggjur af því hvernig enskuáhrifin eru yfirgnæfandi. Maður sér þess víða merki, til dæmis í töluðu máli og í skrifum fólks á netinu. Heilu setningarnar og frasarnir hafa ruðst inn í málið; má þar nefna orð sem notuð eru í daglegu tali, svo sem „actually“ og „basically“, án þess að nokkur þörf sé á því.“ Meira »

Geta valið bestu markaði fyrir kjötið

05:30 Mikil og vaxandi eftirspurn er eftir lambakjöti í Evrópu, að sögn Ágústs Andréssonar, forstöðumanns kjötafurðastöðvar KS. Skapar það tækifæri fyrir kjötútflytjendur að velja sér betri markaði en áður. Meira »

Sérsveitin brást við 200 vopnaútköllum

05:30 Sérsveit Ríkislögreglustjóra sinnti 416 sérsveitarverkefnum í fyrra og báru sérsveitarmenn skotvopn í 230 tilfellum.  Meira »

Betur gengur að manna skólana

05:30 Sveitarfélögum gengur misjafnlega vel að manna stöður í skólum og frístundaheimilum. Enn skortir á að allar stöður hafi verið mannaðar í Reykjavík, t.d. var búið að ráða í 78% stöðugilda í frístundaheimilum og sértækum félagsmiðstöðvum 16. ágúst. Meira »
Bílalyftur vökva-drifnar gæðalyftur
EAE Bílalyftur allar gerðir í boði, skoðið úrvalið á www,holt1.is og facebook...
HARMONIKKUHURÐIR SPARA MIKIÐ PLÁSS
Margar viðartegundir og litir, smíðað eftir máli. Verð frá kr. 13.900,- Sími 6...
Skrifstofuhúsnæði Bolholti 4 til leigu
Til leigu er 230 fermetra skrifstofurými í austurenda á 5. og efstu hæð Bolholts...
Sultukrukkur, minibarflöskur...
Til sölu ..Ca 100 gler krukkur til sölu..Frekar litlar... Einnig ca 200 smáflös...