Seinheppinn þjófur gripinn glóðvolgur

Jón Viðar Arnþórsson, einn eigenda ISR Matrix á Íslandi, yfirbugaði á dögunum þjóf sem braust inn í bíl systur hans, Immu Helgu Arnþórsdóttur, en hún er þjálfari hjá ISR Matrix sem stendur að námskeiðum í öryggistökum og neyðarvörn.

Nokkrir iðkendur ISR Matrix komu að þjófnum og ekki verður annað sagt en að þjófurinn hafi valið sér „óheppilega andstæðinga“ enda Jón Viðar og félagar vel æfðir í þeirri tækni sem þarf til að yfirbuga fólk án þess að slasa það.

Frétt af mbl.is

Dyravörður brást fagmannlega við árás

Tókst Jóni Viðari að fjarlægja þjófinn skjótlega úr bílnum, yfirbuga hann og setja hann í örugga stöðu. Þá var gengið úr skugga um að þjófurinn væri ekki vopnaður, en hann hafði sagt að hugsanlega hefði hann á sér sprautu. Því næst gaf hann leyfi fyrir því að leitað yrði á honum og fundust á honum tvö kort og hleðslubanki sem hann hafði stolið úr bílnum. Maðurinn var síðan færður í hendur lögreglu. 

Myndband af atvikinu er að finna á Facebook-síðu ISR Matrix á Íslandi og fullyrða má að að öryggistökin hafi komið sér vel hjá iðkendunum.

• 1 blogg um fréttina

Bloggað um fréttina

• Ásgrímur Hartmannsson: Þetta hefur verið ógæfumaður