Kjaraviðræður þokast áfram
Setja bókamerki
Fundum undirhópa í tengslum við kjarasamningaviðræður Starfsgreinasambandsins (SGS) og Samtaka atvinnulífsins (SA) lauk um klukkan fjögur í dag og segir framkvæmdastjóri SGS, Flosi Eiríksson, fundina hafa gengið vel.
„Við teljum að það hafi þokast áfram í ýmsum málum í dag og menn ætla að funda meira í vikunni. Við erum hóflega ánægð eftir daginn,“ segir Flosi.
Hóparnir eru myndaðir til þess að ræða sérstök álitamál innan hverrar stéttar og ákvæði í kjarasamningum sem þær varða. Var meðal annars fundað í dag um mál hópferðabílstjóra og mötuneytisstarfsmanna.
Tekið var eftir því að fulltrúar Eflingar og formaður þess, Sólveig Anna Jónsdóttir, tóku þátt í fundum SGS og SA í dag, en félagið hefur ásamt Verkalýðsfélagi Akraness afturkallað samningsumboð sitt til SGS og gengið til samstarfs við VR. Eru samningaviðræður þeirra við SA nú hjá ríkissáttasemjara.
Þrátt fyrir að starfandi séu tvær samninganefndir, SGS annars vegar og VR, Eflingar og Verkalýðsfélags Akraness hins vegar, tekur Efling þátt í starfi í undirhópum SGS samkvæmt samkomulagi. „Starfsgreinasambandið er alveg heilt í því […] en það varð samkomulag um að halda áfram þessu starfi sameiginlega í undirhópunum,“ útskýrir Flosi.
Allar rúður brotnar hjá Fiskikónginum
Hjón sluppu með skrekkinn
Segja yfir 50 þúsund hermenn fallna
Mikil skjálftavirkni á landinu áhyggjuefni
„Hvað ef það hefði verið lokuð heiði?“
„Ert þú þá svona latte-lepjandi hjólagaur?“
Segir óábyrgt að skipta út öllu bankaráðinu