Gylfi sækir um stöðu ráðuneytisstjóra

Heilbrigðisráðuneytið.
Heilbrigðisráðuneytið. Ljósmynd/Aðsend

Gylfi Arnbjörnsson, fyrrverandi forseti ASÍ, er einn af níu umsækjendum um embætti ráðuneytisstjóra í heilbrigðisráðuneytinu en umsóknarfrestur rann út í gær. Heilbrigðisráðherra mun skipa í stöðuna til fimm ára að undangengnu mati lögskipaðrar hæfnisnefndar á umsækjendum.

Þetta kemur fram í tilkynningu frá heilbrigðisráðuneytinu.

Umsækjendur um embættið eru eftirtaldir:

Ásta Valdimarsdóttir framkvæmdastjóri

Guðlaug Rakel Guðjónsdóttir framkvæmdastjóri

Guðrún Gísladóttir skrifstofustjóri

Gylfi Arnbjörnsson hagfræðingur

Hanna Lára Steinsson félagsráðgjafi

Ingunn Björnsdóttir dósent

Kristlaug Helga Jónasdóttir, hjúkrunarfræðingur og verkefnastjóri

Lárus Bjarnason sýslumaður

Sigurður Helgi Helgason skrifstofustjóri

Niðurstaða hæfnisnefndar sem metur hæfni umsækjenda skal vera ráðgefandi fyrir heilbrigðisráðherra við skipun í embættið. Í nefndinni eiga sæti Guðríður Þorsteinsdóttir hrl., formaður, Ásta Bjarnadóttir, mannauðsstjóri Landspítala, og Sigurður Skúli Bergsson tollstjóri. Starfsmaður nefndarinnar er Sigríður Jakobínudóttir.

mbl.is
Fleira áhugavert
Fleira áhugavert