„Hef ekkert með skipun sendiherra að gera“

Bjarni Benediktsson á fundi stjórnskipunar- og eftirlitsnefndar.
Bjarni Benediktsson á fundi stjórnskipunar- og eftirlitsnefndar. mbl.is/Kristinn Magnússon

„Ég verð að halda því til haga að mér sýnist að aðdragandi þess að halda þennan opna fund sé ekki eins og reglurnar kveða á um en það truflar mig ekkert,“ sagði Bjarni Benediktsson við upphaf opins fundar stjórnskipunar- og eftirlitsnefndar Alþingis í dag.

Bjarni, Guðlaugur Þór Þórðarson utanríkisráðherra, Gunnar Bragi Sveinsson og Sigmundur Davíð Gunnlaugsson voru boðaðir á fundinn þar sem rædd er skipun í sendiherrastöður vegna þess sem kom fram á Klausturupptökum. Gunnar Bragi og Sigmundur mættu ekki á fundinn.

Bjarni sagði að Gunnar Bragi hefði áður afturkallað allt sem kom fram í máli hans í upptökunum þar sem skilja mátti sem svo að hann ætti inni greiða hjá Sjálfstæðisflokknum vegna skipunar Geirs H. Haarde sem sendiherra í Washington.

Ég ítreka að ég átti enga aðkomu að þeirri ákvörðun sem hann tók um sendiherrastöðu í Washington og það lágu engin loforð frá mér um þá stöðu,“ sagði Bjarni. 

Spurður sagðist hann kannast við að hafa heyrt Gunnar Braga nefna að hann hefði áhuga á því að starfa í utanríkisþjónustunni í framtíðinni. „Þau mál voru ekki rædd við mig til að tryggja einhver loforð. Ég sat og sit sem fjármálaráðherra og hef ekkert með skipun sendiherra að gera,“ sagði Bjarni.

Frá fundinum í dag.
Frá fundinum í dag. mbl.is/Kristinn Magnússon

Bjarni vissi ekki hvers vegna Sigmundur Davíð heyrist staðfesta frásögn Gunnars Braga á upptökunum en sagði að það kynni að hafa komið fram af hans hálfu að Gunnar Bragi vildi starfa í utanríkisþjónustunni í framtíðinni. „Það kemur því ekki við að Gunnar Bragi hafi fengið loforð frá mér sem fjármálaráðherra.

Fundaði með Sigmundi út af áhuga Gunnars Braga

Bjarni staðfesti að hann hefði fundað með Sigmundi og Guðlaugi Þór síðasta haust þar sem Sigmundur kom á framfæri áhuga Gunnars Braga á því að starfa í utanríkisþjónustunni. Þar hafi hugmyndin verið að Sigmundur fengi að heyra frá utanríkisráðherra hver staðan væri.

Í þessum samtölum eru þessi mál aldrei rædd þannig að það sé verið að innheimta einhver loforð heldur fara yfir áhuga Gunnars Braga á því að starfa í utanríkisþjónustunni.

Bjarni var spurður að því hvort honum þætti eðlilegt að samtöl af þessu tagi færu fram. Bjarni sagði þessa spurningu ekki heyra undir sitt málasvið en hann grunaði að það væri algengt að utanríkisráðherrar fengju slíkar beiðnir. 

Ég hef reynslu af því og þetta er dæmi um að menn óski að því sé komið á framfæri við ráðherra. Síðan er nærtækt að skoða lista yfir sendiherra og þar er auðvelt að finna nokkra fyrrverandi alþingismenn. Ég er sjálfur þeirrar skoðunar að þeir séu margir, fyrrverandi stjórnmálamennirnir, mjög vel til þess fallnir að taka að sér þau verkefni sem felast í sendiherrastöðunum.

mbl.is

Innlent »

Nektarmyndsendingar algengar í 10. bekk

17:00 Tæplega helmingur stúlkna í 10. bekk í grunnskóla hefur verið beðin um að senda einhverjum öðrum ögrandi mynd eða nektarmynd af sér í gegnum netið. Í tilfelli drengja er hlutfallið 28%. Þá hafa 27% stúlkna í sama bekk sent slíkar myndir og 21% drengja. Meira »

„4 milljóna króna laun eru ekki hófleg“

16:07 „Fjögurra milljóna króna laun eru ekki hófleg í neinum þeim veruleika sem við þekkjum til,“ sagði Katrín Jakobsdóttir forsætisráðherra á Alþingi í dag. Voru orð hennar svar við fyrirspurn Þórhildar Sunnu Ævarsdóttur, þingmanns Pírata. Meira »

Húsnæði fyrir flóttafólk mesta áskorunin

15:50 Stærsti fyrirvari Blönduósbæjar við móttöku sýrlenskra fjölskyldna á flótta er að finnist nægilegt húsnæði, segir Valdimar O. Hermannsson, sveitarstjóri Blönduósbæjar, í samtali við mbl.is. Sveitarstjórn bæjarins samþykkti í síðustu viku að að taka við flóttafólki samkvæmt beiðni frá félagsmálaráðuneytinu. Meira »

Hóta að taka fé úr stýringu hjá Kviku

15:24 VR segist ekki sætta sig við að Almenna leigufélagið hafi hækkað leigu um tugþúsundir króna í einhverjum tilfellum og gefið leigjendum fjóra daga til að samþykkja hækkunina. Krefst VR þess að áformin séu dregin til baka, en að öðrum kosti ætli félagið að taka allt sitt fé úr eignastýringu hjá Kviku banka, en um er að ræða 4,2 milljarða. Meira »

Mótmæla við Landsbankann

15:03 Hópur fólks er saman kominn fyrir utan húsnæði Landsbankans í Austurstræti til þess að mótmæla launum bankastjórans. Sjá má af skiltum fólksins að farið er fram á að laun Lilju Bjarkar Einarsdóttur verði lækkuð. Meira »

Unnur Brá tekur á ný sæti á Alþingi

14:52 Unnur Brá Konráðsdóttir, varaþingmaður Sjálfstæðisflokksins, tekur í dag sæti á Alþingi fyrir Ásmund Friðriksson, alþingismann flokksins. Unnur Brá starfar sem aðstoðarmaður ríkisstjórnarinnar, skipuð af forsætisráðherra í fyrra, og var henni falið að sinna verkefnisstjórn við endurskoðun stjórnarskrárinnar. Meira »

Tvö snjóflóð féllu á Ólafsfjarðarveg

14:42 Tvö snjóflóð féllu með stuttu millibili yfir þjóðveginn við Sauðanes milli Dalvíkur og Ólafsfjarðar um hádegisbil.   Meira »

Stafrænt kynferðisofbeldi til umræðu

13:59 Nú klukkan 14:00 hefst fundur í Háskóla Reykjavíkur um stafrænt kynferðisofbeldi, en frumvarp sem tekur á slíku ofbeldi liggur nú fyrir Alþingi í annað skiptið. Verður meðal annars rætt um stöðuna á slíku ofbeldi, hvaða refsingar búa við slíkum brotum og þá vernd sem er til staðar. Meira »

Mikill meirihluti vill kvótakerfið áfram

13:49 Mikill meirihluti mjólkurframleiðenda vill ekki afnema kvótakerfi í mjólkurframleiðslu heldur halda í það. Samtals var það afstaða tæplega 90% af þeim 493 mjólkurframleiðendum sem tóku þátt í atkvæðagreiðslu Bændasamtakanna, en atkvæðagreiðslu um málið lauk nú á hádegi í dag. Meira »

„Aldrei heyrt um loðnu svo sunnarlega“

13:48 „Við fengum aflann í sex holum þannig að það gekk vel að veiða. Veiðisvæðið var um 300 mílur suður af Rockall en það er sunnan við mitt Írland. Við þurftum að sigla 790 mílur heim til að landa og það er andskoti langt,“ segir Hjörvar Hjálmarsson, skipstjóri á Berki NK, sem kom til Neskaupstaðar í gærmorgun með tæplega 2.300 tonn af kolmunna. Vel gekk að fylla skipið að hans sögn. Meira »

Ríkið leitar hugmynda um framtíðina

13:40 Framtíðarnefnd forsætisráðherra leitar nú að rökstuddum hugmyndum að sviðsmyndum í framtíðinni frá bæði almenningi og hagsmunaaðilum, en markmið nefndarinnar er að skapa grundvöll fyrir umræðu um þróun mikilvægra samfélagsmála til lengri tíma. Meira »

Skordýr fannst í maíspoppi

12:22 Samkaup hafa innkallað maíspopp frá framleiðandanum Coop, en skordýr fundust í slíkri vöru. Um er að ræða 500 g einingu sem merkt er með best fyrir dagsetningunni 22.10.2019. Meira »

Búast við hugmyndum stjórnvalda á morgun

12:02 Samninganefnd Starfsgreinasambandsins hefur veitt viðræðunefnd félagsins umboð til þess að vísa kjaradeilunni við Samtök atvinnulífsins til ríkissáttasemjara á næstu dögum ef nefndin telur ástæðu til. Meira »

Svindlið nær allt til 2018

11:42 Gögn sem mbl.is hefur undir höndum og blaðamaður hefur borið saman við upplýsingar úr ökutækjaskrá Samgöngustofu, sýna að bílar frá Procar sem átt var við árið 2016 voru seldir alveg fram til áranna 2017 og 2018, bæði til fyrirtækja og einstaklinga. Meira »

35 teknir fyrir vímuakstur

11:40 Síðasta vika var óvenjuslæm þegar kemur að fjölda umferðarslysa á höfuðborgarsvæðinu en slysin voru fimmtán og í þeim slösuðust tuttugu og fjórir. 35 ökumenn voru staðnir að ölvunar- og fíkniefnaakstri á höfuðborgarsvæðinu um helgina. Meira »

Matarboð fyrir einhleypa

09:55 Sigrún Helga Lund heldur reglulega matarboð fyrir einhleypa vini sína. Hún segist hafa byrjað á þessu þar sem margir sem hafa skilið eftir ástarsambönd tali um að þeim sé aldrei boðið í mat. „...og þá ákveð ég bara, hey. Ég ætla að halda matarboð og ég ætla bara að bjóða einhleypum", sagði Sigrún Helga í skemmtilegu viðtali við Ísland vaknar á K100. Meira »

Skoða sæstreng milli Íslands, Noregs og Írlands

08:26 Vodafone á Íslandi (SÝN) og Nordavind hafa skrifað undir samstarfssamning um að skoða samlegð með lagningu á nýjum ljósleiðarasæstreng milli Íslands og Írlands annars vegar og Írlands og Noregs hins vegar. Nordavind er norskt fyrirtæki í eigu sveitarfélaga, orkufyrirtækja og ljósleiðarafyrirtækja í Noregi. Meira »

Ratsjármæli farleiðir fugla

07:57 Biokraft ehf. ber að gera ratsjármælingar við athuganir á farleiðum fugla um fyrirhugaðan vindorkugarð norðan við Þykkvabæ, Vindaborgir. Meira »

Fá engin svör frá borginni

07:37 Hollvinasamtök Elliðaárdalsins hafa óskað eftir fundi með borgaryfirvöldum varðandi breytingar á deiliskipulagi við Stekkjarbakka Þ73, án þess að fá nein svör. Þetta segir Halldór Páll Gíslason, formaður samtakanna. Meira »