Greiðir fyrir beinu flugi milli Íslands og Japans

Frá undirritun samkomulagsins.
Frá undirritun samkomulagsins. Ljósmynd/Samgöngu- og sveitarstjórnarráðuneytið

Sendinefnd utanríkisráðuneytisins og samgöngu- og sveitarstjórnarráðuneytisins fundaði með fulltrúum samgönguráðuneytis Japans í Tókýó í gær um gagnkvæm loftferðasamskipti.

Fram kemur í fréttatilkynningu að samkomulag hafi náðst á fundinum sem greiði fyrir beinu áætlunarflugi milli Íslands og Japans, auk frekari möguleika á leiguflugi. Jafnframt hafi verið ákveðið að löndin skyldu ræða áfram um mögulegan loftferðasamning á milli landanna.

Þá hafi fulltrúar íslenskra flugrekenda einnig átt af sama tilefni fundi með japönskum flugfélögum þar sem fram hafi komið vilji til aukins samstarfs.

mbl.is
Fleira áhugavert
Fleira áhugavert