Ég er aftur lifandi!

Hjördís Árnadóttir.
Hjördís Árnadóttir. Haraldur Jónasson/Hari

Hjördís Árnadóttir vaknaði slöpp að morgni 17. júní 2011 og um kvöldið var henni vart hugað líf. Meinið var svæsin sýklasótt út frá sýkingu í eggjastokk sem þurfti að fjarlægja. Leiðin til heilsu var löng og ströng og tveimur mánuðum eftir áfallið þurfti að fjarlægja báða fætur Hjördísar neðan við miðjan sköflung vegna dreps. Við henni blasti nýtt líf og það er fyrst núna í vetur að Hjördís hefur náð að vinna að mestu úr áfallinu og getur farið að horfa fram á veginn.

„Ég ætlaði að fara með börnin í bæinn en var orðin lasin, þannig að pabbi og systir mín fóru með þau í staðinn en ég bjó á þessum tíma tímabundið heima hjá foreldrum mínum. Mér hrakaði jafnt og þétt yfir daginn, var orðin mjög máttfarin og þegar ég gat ekki einu sinni haldið á brauðsneið um kvöldið tók faðir minn af skarið og hringdi á sjúkrabíl,“ segir Hjördís.

Hjördís var með fullri meðvitund en man eigi að síður ekkert eftir þessum degi sem er væntanlega afleiðing af svæfingunni sem hún fékk á spítalanum. Hún getur haft afturvirk áhrif. Fyrir lá að Hjördís var fárveik og útlitið var raunar svo slæmt að foreldrar hennar og systkini fengu símtal um nóttina þess efnis að þau ættu að drífa sig upp á spítala til að kveðja hana. „Ekki var ljóst hvort ég myndi lifa en kæmi ég aftur vissu læknarnir ekki hversu mikið yrði eftir af mér,“ segir Hjördís. 

Leiddi til sýklasóttarlosts

Um hádegi daginn eftir fannst loksins meinið, heiftarleg sýking í öðrum eggjastokknum sem hafði leitt til svæsinnar sýklasóttar sem hér um bil dró Hjördísi til dauða. Eggjastokkurinn var fjarlægður þegar í stað. Hjördísi var haldið sofandi í öndunarvél í um tvær vikur. Það hjálpaði til að Hjördís var í góðu líkamlegu formi, þannig að líkaminn hafði „nóg að éta“, eins og hún orðar það sjálf. „Ég man vitaskuld ekki neitt frá þessum tíma en löngu seinna fékk ég minningu um að ég hefði dáið og ekki komist út úr líkamanum. Það var mikið sjokk. Svona ferðalag er fullt af litbrigðum.“

Hjördís vaknaði með sýklasóttarlost og gat sig hvergi hrært; reyndi að tjá sig en kom ekki upp orði, svo máttfarin var hún. Öll vöðvastarfsemi lá niðri, auk þess sem drep var komið í fingur, tær og nef. Allt var þetta biksvart á litinn og óhugnanlegt á að líta. Þess utan var Hjördís lengi að jafna sig eftir öndunarvélina.

„Ég var lengi að vinna úr þessu,“ segir hún. „Þegar ég loksins náði áttum leið mér eins og ég væri 170 ára gömul. Var ekki lengur sama manneskjan. Eftir þetta skil ég vel hvernig það er að vera ósjálfbjarga gamalmenni og upp á aðra komin.“

Ekki bætti úr skák að Hjördís var með mikla spítala- og stofnanafóbíu og það að liggja inni var áfall út af fyrir sig – fyrir utan allt annað. „Þetta hefur á allan hátt verið galið ferðalag,“ segir hún og hristir höfuðið.

Hélt hún myndi halda fótunum

Fingur og nef jöfnuðu sig en tærnar voru dánar og fyrir lá að þær yrði að fjarlægja. Til að byrja með voru læknar þó bjartsýnir á að Hjördís myndi halda fótunum að öðru leyti. Fyrst var talað um að skrapa iljarnar og hælana en þegar á reyndi voru dauðir vefir ofar og á endanum þurfti að fjarlæga báða fætur hennar frá miðjum sköflungi. Það var gert um tveimur mánuðum eftir að hún veiktist. „Mér brá auðvitað þegar mér var sagt að taka hefði þurft meira af fótunum en til stóð í upphafi en áfallið kom þó ekki fyrr en löngu seinna. Ég var ennþá svo máttfarin og utan við sjálfa mig að ég gat ekki melt þessar upplýsingar að neinu gagni. Ég fékk smá sjokk en síðan fór allt í sama farið. Það var eiginlega ekki fyrr en síðasta haust að upp fyrir mér rann ljós: Djös, ég er búin að missa báða fæturna!“

Hún þagnar um stund.

„Líf mitt á þessum tíma stýrðist af kvíða, félagsfælni og áfallastreituröskun á háu stigi. Ég var lengi að vinna mig út úr þessu öllu saman og það var í raun ekki fyrr en síðasta haust að ég var orðin eðlileg á ný. Áfallið háir mér ekki lengur; ég kemst loksins aftur út úr húsi og er farin að taka þátt í samfélaginu. Er aftur lifandi.“

Hjördís var í þrjár vikur á gjörgæslu og lá samtals í sex mánuði á spítala. Smám saman hjarnaði líkaminn við. Hjördís líkir þessu við að vöðvarnir hafi verið frosnir og hún hafi hreinlega þurft að finna þá á ný. Til að bæta gráu ofan á svart urðu nýrun um tíma óstarfhæf og hún þurfti að fara í blóðskilun. Sem betur fer gekk það til baka. Þá þurfti hún í aðra aðgerð á vinstra fæti vorið 2012.

Hefði getað farið verr

„Þetta hefði getað farið verr; ég hefði getað misst fingurna og jafnvel nefið og það var alls ekki sjálfgefið að nýrun færu að starfa á ný. Margir sem veikjast svona alvarlega hreinlega deyja, þannig að ég er mjög þakklát fyrir að hafa komist í gegnum þessi veikindi án meiri varanlegs skaða. Eftir á að hyggja má segja að ég hafi verið heppin – en auðvitað leið mér ekki þannig meðan ég var að ná vopnum mínum á ný á spítalanum. Það var ofboðslega erfiður tími.“

Líkaminn er eitt, sálin annað, og Hjördís viðurkennir að hafa gengið í gegnum sterkar tilfinningar. Spurð hvort hún hafi verið lokuð manneskja fyrir áfallið svarar hún: „Já, frekar. Erum við það ekki öll, Íslendingar? Við erum ekki gefin fyrir að tala mikið um tilfinningar okkar.“

Hún brosir.

„Auk þess að vera frekar lokuð að upplagi hef ég alltaf annað slagið þjáðst af kvíða og félagsfælni. Ég segi ekki að það hafi verið stórt vandamál fyrir en þetta magnaðist allt upp eftir veikindin. Svona mikið kraftleysi kemur niður á manni, að ekki sé talað um óöryggið sem fylgir því að geta ekki lengur stigið fram úr rúminu. Ég datt einu sinni inni á baði á spítalanum og komst ekki upp aftur. Ég var ekki með bjöllu, eins og við rúmið, og það nægði til þess að ég fór í panikástand. Það var ekki fyrr en ég áttaði mig á því að ég gæti hringt úr farsímanum mínum að ég gat greitt úr flækjunni. Ég get brosað að þessu í dag en þetta var hræðileg tilfinning þegar það gerðist.“

Erfitt að treysta öðrum

Raunar leið henni löngum stundum eins og að hún væri föst í eigin líkama og átti erfitt með að treysta sjálfri sér, eins og hún var orðin, og öðrum, sem þó voru allir af vilja gerðir til að hjálpa henni. „Ég var með mikla innilokunarkennd til að byrja með. Það lagaðist smám saman; því betri sem líkaminn varð, þeim mun brattari varð hugurinn.“

Eins góð og aðhlynningin var líkamlega var minna unnið með andlega þáttinn á spítalanum. Hjördísi var boðin sálfræðiaðstoð en fann fljótt að það virkaði ekki fyrir hana. Hins vegar talaði hún við Rósu Kristjánsdóttur, djákna og hjúkrunarfræðing, og hafði mun meira gagn af þeim samtölum. „Við Rósa töluðum saman reglulega í um tvö ár og það hjálpaði mér mjög mikið. Hún hjálpaði mér til dæmis að tala við börnin mín þegar fæturnir voru teknir af mér. Dásamleg kona, Rósa.“

Það var ekki bara Hjördís sjálf. Fjölskyldan öll var í áfalli, börnin Ástrós Helga, Ragnheiður Ír og Mikael Árni, sem voru ellefu, sex og fjögurra ára á þessum tíma, foreldrar hennar, Árni Steingrímsson og Steinunn Sigurðardóttir, systkinin þrjú, Sigurður Ragnar, Auður og Árni Haukur, og aðrir aðstandendur. „Ég fer á nokkrum klukkustundum frá því að vera fullfrísk yfir í að vera við dauðans dyr. Það segir sig sjálft að það var mikið áfall fyrir mína nánustu. Og öfugt við mig fengu þau enga faglega aðstoð; enga áfallahjálp, þurftu bara að vinna úr þessu sjálf. Það gleymist stundum hversu mikið áfall svona alvarleg veikindi eru fyrir nánustu aðstandendur. Vissulega höfðu þau heimt mig úr helju en á sama tíma gerðu allir sér grein fyrir því að mikil barátta væri fram undan,“ segir Hjördís.

Það var ekki fyrr en að Hjördís ræddi við fjölskylduráðgjafa að fjölskyldan fékk aðstoð. „Ég þurfti með öðrum orðum að fara út fyrir kerfið, sem er umhugsunarvert.“

Viðtalið í heild má lesa í Sunnudagsblaði Morgunblaðsins. 

Hjördís á spítalanum ásamt börnum sínum. Þau eru Ragnheiður Ír, ...
Hjördís á spítalanum ásamt börnum sínum. Þau eru Ragnheiður Ír, Mikael Árni og Ástrós Helga.
Drep kom í fætur Hjördísar eftir veikindin.
Drep kom í fætur Hjördísar eftir veikindin.
Hjördís stígur sandölduna á bretti í eyðimörkinni í Marokkó um ...
Hjördís stígur sandölduna á bretti í eyðimörkinni í Marokkó um síðustu áramót. Picasa
Kauptu vikupassa

Lestu meira með vikupassa!

Fáðu þér vikupassa fyrir 1.790 kr. og þú færð aðgang að öllu efni úr blaði dagsins í dag og næstu 6 daga.

Kaupa vikupassa

Aðrar áskriftarleiðir »

Innlent »

BSRB vill hátekjuskatt

13:52 Tillögur stjórnvalda að breytingum á skattkerfinu sem voru kynntar í gær ganga ekki nægilega langt í átt að jöfnuði og réttlæti í samfélaginu. Þetta kemur fram í yfirlýsingu formannaráðs BSRB. Meira »

Búið að taka skýrslu af ökumönnunum

13:44 Þrennt liggur enn slasað á Landspítalanum eftir árekstur tveggja bíla á Suðurlandsvegi austan við Hjörleifshöfða á fimmtudag í síðustu viku. Lögregla hefur tekið skýrslu af ökumönnunum. Meira »

Áhrif sviksamlegra aðgerða víðtæk

13:43 „Þessar fregnir eru sláandi og um leið sorglegt að aðilar fari slíkar leiðir í þeim eina tilgangi að hagnast á kostnað annarra,“ segir í tilkynningu frá bílaumboðinu Bernhard, vegna svindls bílaleigunnar Procar. Fyrirtækið hvetur áhyggjufulla viðskiptavini til að setja sig í samband. Meira »

Sjálfstæðisflokkurinn með 22,7%

12:55 Sjálfstæðisflokkurinn mældist með stuðning 22,7% landsmanna í nýrri könnun MMR sem framkvæmd var dagana 11.-15. febrúar. Miðflokkurinn mælist með 6,1% fylgi en flokkurinn fékk 10,9% atkvæða í síðustu þingkosningum. Sjálfstæðisflokkurinn fékk 25,2% í kosningunum 2017. Meira »

Meirihlutinn sakaður um valdníðslu

12:25 Hljóðið er þungt í fulltrúum þriggja flokka sem eru í minnihluta í borgarstjórn Reykjavíkur, eftir borgarstjórnarfund gærdagsins. Þeir segja meirihlutann hafa borið fram breytingartillögu sem hafi verið annars eðlis en þeirra eigin tillaga. Fulltrúar flokkanna viku úr fundarsal í mótmælaskyni. Meira »

Fimm ára dómur í Shooters-máli

12:13 Art­ur Pawel Wisock var í dag dæmdur í fimm ára fangelsi fyrir stórfellda líkamsárás á dyravörð á skemmtistaðnum Shooters í ágúst í fyrra. Dyra­vörður­inn er lamaður fyr­ir neðan háls eft­ir árás­ina. Annar maður sem var ákærður í málinu, Dawid Kornacki, fékk sex mánaða dóm. Meira »

Vilja betri svör frá SA

12:12 Starfsgreinasambandið vill fá betri svör frá Samtökum atvinnulífsins á fundi sem verður haldinn síðar í dag heldur en á síðasta fundi þeirra. Þetta sagði Björn Snæbjörnsson, formaður sambandsins, að loknum fundi viðræðunefndar í morgun. Meira »

„Það ríkir bölvuð vetrartíð“

12:07 „Hér hefur fengist þokkalegur afli en það er miklu minna af fiski en hefur verið um þetta leyti árs síðustu þrjú árin. Þá er fiskurinn dreifður og styggur. Það er ætisleysi á slóðinni og til dæmis lítið um spærling. Ætisleysið gerir það að verkum að það fiskast vel á línuna,“ segir Birgir Þór Sverrisson, skipstjóri á Vestmannaey VE. Meira »

„Til­lög­urn­ar af­skap­lega góðar“

11:54 „Mér finnst það sem búið er að gera til að stuðla að jöfnuði og bættum kjörum hafi fengið lítið vægi í umræðunni,“ segir Bjarkey Olsen Gunnarsdóttir, formaður þingflokks Vinstri grænna, vegna tillagna sem ríkisstjórnin lagði fram í gær sem innlegg í kjaraviðræður, og viðbrögð verkalýðsins við þeim Meira »

Kröfur SGS ítrekaðar á fundi með SA

11:36 Viðræðunefnd Starfsgreinasambands Íslands mun eiga samningafund með Samtökum atvinnulífsins kl. 16 í dag. Á fundinum verða kröfur SGS ítrekaðar. Þetta er niðurstaða fundar SGS sem er nýlokið. Meira »

Fær ekki lögheimili skráð á Íslandi

11:00 Kröfu albanskra foreldra um að fella úr gildi úrskurð Útlendingastofnunar þess efnis að vísa 22 mánaða gamalli dóttur þeirra úr landi var hafnað í Héraðsdómi Reykjavíkur í dag. Erna Reka fæddist á Íslandi í apríl 2017 en samkvæmt niðurstöðu dómsins fær hún ekki lögheimili skráð á Íslandi. Meira »

Skemmdarverk á Kvennaskólanum

10:24 „Mig grunar að þetta sé einhvers konar framhaldsskólahrekkur,“ segir Hjalti Jón Sveinsson, skólameistari Kvennaskólans, en þegar nemendur mættu í skólann í morgun blasti við þeim skemmdarverk sem sjá má á meðfylgjandi mynd. Meira »

Hyggst hafa samband við viðskiptavini

09:37 Bifreiðaumboðið BL hyggst hafa samband við alla viðskiptavini fyrirtækisins sem keypt hafa bifreiðar í gegnum það sem áður voru í eigu bílaleigunnar Procar. Bílaleigan hefur viðurkennt að hafa átt við kílómetramæli fjölda bifreiða sem hún voru í hennar eigu sem síðan voru seldar áfram. Meira »

„Shaken-baby“-máli vísað frá

09:33 Hæstiréttur hafnaði í morgun endurupptöku á svokölluðu „shaken-baby“-máli. Sveinn Andri Sveins­son, lögmaður Sig­urðar Guðmunds­son­ar sem dæmd­ur var fyr­ir að hafa valdið dauða ung­barns á dag­gæslu í Kópa­vogi árið 2001, segir það miður að málið komist ekki til efnislegrar meðferðar. Meira »

Verkföll líkleg í mars

09:21 „Við höfum alltaf sagt það frá upphafi að það sem kæmi frá stjórnvöldum væri lykillinn að því að við gætum náð saman kjarasamningum við Samtök atvinnulífsins,“ sagði Björn Snæbjörnsson, formaður Starfsgreinasambandsins, í Morgunútvarpi Rásar 2 í morgun. Meira »

Líst ekki vel á framhaldið

09:18 Viðræðunefnd Starfsgreinasambands Íslands situr á fundi í húsnæði ASÍ þar sem farið er yfir næstu skref eftir að ríkisstjórnin kynnti skattabreytingatillögur sínar í gær. Meira »

Íslendingi bjargað á Table-fjalli

08:50 Íslenskum ferðamanni var bjargað úr sjálfheldu í Table-fjalli við Höfðaborg í Suður-Afríku í vikunni og tóku björgunaraðgerðirnar 13 klukkustundir. Ungur Íslendingur lést í fjallinu fyrir tveimur árum. Meira »

Frekari breytingar ekki í boði

08:35 „Þetta er það svigrúm sem við höfum samkvæmt fjármálaáætlun,“ sagði Katrín Jakobsdóttir forsætisráðherra í Morgunútvarpi Rásar 2 í morgun spurð hvort tillögur ríkisstjórnarinnar í skattamálum til þess að liðka fyrir kjarasamningum sem kynntar voru í gær væru lokatilboð stjórnvalda. Meira »

Heimkoma Tryggva áætluð í haust

08:18 Löng bið Tryggva Ingólfssonar, sem beðið hefur á lungnadeild Landspítalans frá 28. mars 2018 eftir að komast á heimili sitt á hjúkrunarheimilinu Kirkjuhvoli á Hvolsvelli gæti tekið enda 1. september nk. Meira »
Vantar gæslu fyrir kisu/kisann?
www.kattholt.is rekur hótel fyrir kisu/kisann. kattholt@kattholt.is // s;567 ...
Gefins - áttu klink sem þú mátt missa?
Kattholt þiggur með þökkum smámynt (hvaðan sem er). Þetta fer til að fjármagna...
Bíll
Góður bíll til sölu. Toyota Avensis árg, 2001 ekinn 270 þús. Hefur verið í góð...
Nokkrar notaðar saumavélar til sölu !!
Nokkrar tegundir, ýmsar gerðir. Allar ástandsskoðaðar og prófaðar af fagmanni. V...