Kennarar bera kerfið uppi

Lilja Alfreðsdóttir, mennta- og menningarmálaráðherra.
Lilja Alfreðsdóttir, mennta- og menningarmálaráðherra. mbl.is/Eggert Jóhannesson

Lilja Alfreðsdóttir menntamálaráðherra segir þrátt fyrir að um 90% barna líði vel þá sé depurð að aukast, ekki síst meðal ungra stúlkna, líkt og fram kemur í nýrri rannsókn á líðan grunnskólabarna.

Hún segir stjórnvöld hafa áhyggjur af þessari þróun og þetta sé meðal þess sem rætt verður á nýjum samráðsvettvangi varðandi líðan barna á vegum félags-, mennta- og heilbrigðisráðherra. Þar verður skoðað nánar hvaða áhrif til að mynda tækninýjungar hafa á skjátíma og samfélagsmiðlanotkun barna og unglinga.

Heilsa og lífskjör skólanema á Íslandi voru rædd á fundi ríkisstjórnarinnar í gær.

Lilja segir að þessi þróun sé svipuð og í öðrum löndum en hér á Íslandi séu ýmis sóknarfæri vegna þess hversu mörgum líður vel. Á sama tíma verði að huga vel að þeim sem ekki líður vel og styðja þá.

„Við ætlum að vinna betur með rannsakendum og fara í nánari rannsókn á líðan barna og ungmenna,“ segir Lilja og bætir við að það verði að reyna að ná utan um þennan hóp sem er í hættu á að glíma til að mynda við geðraskanir eða fíkn.

„Sum ríki hafa kortlagt þennan hóp, það er áhættuhópinn, og gripið til aðgerða til þess að aðstoða þennan hóp,“ segir Lilja en samráðsvettvanginum er ætlað að ná utan um þennan hóp til þess að koma ungu fólki til aðstoðar sem þarf á slíkri hjálp að halda.

Hún segir að á sama tíma þurfi að fylgjast með þeim breytingum og framförum sem eru að eiga sér stað í taugavísindum þar sem rannsakað er hvaða áhrif mikil skjánotkun hefur á heilann og almennt heilbrigði svo ekki sé talað um mennta- og félagslega stöðu þeirra.

Að sögn Lilju er verið að skoða hvað sé til af rannsóknum og hvað þurfi að bæta á því sviði til þess að tryggja að íslenskar rannsóknir séu samanburðarhæfar alþjóðlega.

Rannsóknin sýnir að það er gott samband milli kennara og nemenda og að sögn Lilju eru kennarar algjör grunnur að góðu menntakerfi. Líkt og fram hefur komið er kennarastéttin að eldast á Íslandi og eins hefur brottfall verið áberandi úr stéttinni einkum vegna mikils álags í starfi. 

Lilja segir að fleiri lönd glími við sama vandamál og af Norðurlöndunum séu Finnar eina þjóðin sem þar er undanskilin.

„Hvað höfum við? 90% nemenda líður vel en við verðum að taka á þeim sem gerir það ekki og depurð er vaxandi vandamál. Þau bera mikið traust til kennarans sem segir okkur sem samfélagi að þarna er auðlind sem við verðum að rækta og við þurfum að gæta að því að hlúa að kennurum,“ segir Lilja en undanfarið hefur hún átt fundi með kennurum og öðrum sem koma að menntamálum á Íslandi. Eitt af því sem þar hefur ítekað komið fram er mikið álag á kennara.

Að sögn Lilju er nauðsynlegt fyrir stjórnvöld og Samtök sveitarfélaga að koma til móts við kennara og grípa til aðgerða til að minnka þetta álag.

Hún segir að fyrstu árin í skólagöngu barna skipti svo miklu máli og þar séu kennarar mikilvægur hlekkur í að styrkja börnin.

„Öll fjárfesting sem á sér stað á fyrstu skólaárum margborgar sig. Þetta gera Finnar og yfirvöld í Singapúr. Í stað þess að fara í einhverja plástra síðar meir. Eitthvað sem getur komið í veg fyrir harmleik heillar fjölskyldu þegar einhver innan hennar fer út af sporinu. Harmleikur sem aldrei verður mældur til fjár. Það er miklu skynsamlegra að leggja aukna áherslu á snemmtæka íhlutun. Við sjáum það að strax í lok leikskólans eru vísbendingar um framhaldið. Hvernig börnum muni reiða af í skólakerfinu og hver áhrif umhverfisins eru. Við verðum að hlúa vel að menntakerfinu og sérstaklega kennurum það eru þeir sem bera það uppi,“ segir Lilja Alfreðsdóttir, mennta- og menningarmálaráðherra.

mbl.is

Bloggað um fréttina

Innlent »

Vara við öflugum hviðum þvert á veginn

Í gær, 21:14 „Það er að bæta í vindinn og úrkomuna,“ segir Birta Líf Kristinsdóttir, veðurfræðingur á Veðurstofu Íslands. Veðurstofa Íslands varar við að það bætir í norðanhríðina á Norðausturlandi í kvöld og nótt og má því búast við varasömum akstursskilyrðum þar. Þá er von á öflugum hviðum undir Vatnajökli. Meira »

Ásgeir fái sína eigin seríu

Í gær, 20:07 Gerður Kristný skáld og félagar í dularfullum selskap sem kallast Ófærðarstofan leggja til að sá geðþekki lögreglumaður Ásgeir fái sína eigin sjónvarpsseríu í framhaldi af Ófærð 2. „Hann hefur unnið hug og hjörtu Ófærðarstofunnar. Við þurfum að fá að vita meira um það gæðablóð.“ Meira »

Bryndís segist vera fórnarlamb

Í gær, 19:11 „Mér finnst einhvern veginn eins og þessar konur, sem leyfa sér að kalla sig femínista, hati kynsystur sína jafnvel meira en karlpungana.“ Þannig hefst Facebook-færsla Bryndísar Schram, þar sem hún fjallar meðal annars um ásakanir Carmenar Jóhannsdóttur gegn eiginmanni sínum, Jóni Baldvin Hannibalssyni. Meira »

Lögregla óskar eftir vitnum að óhappi

Í gær, 19:08 Lögreglan á Vesturlandi óskar eftir vitnum að umferðaróhappi sem varð á gatnamótum Akranesvegar og Akrafjallsvegar á föstudag. Meira »

Voru að losa bílana úr sköflunum

Í gær, 19:02 „Það féll gífurlegur snjór í nótt og það eru allar götur í bænum ófærar, nema þær sem hjálparsveitin er búin að ryðja,“ segir Margrét Jónsdóttir Njarðvík íbúi á Siglufirði. Björgunarsveitin Strákar hefur aðstoðað nokkra ökumennina við að losa sig úr sköflum í dag. Meira »

Nafngreindur maður vændur um lygar

Í gær, 18:05 „Efling tekur ásakanir um misnotkun fjármuna félagsins alvarlega,“ segir í yfirlýsingu frá Eflingu þar sem fréttaflutningur DV varðandi mál Rúmena sem störfuðu hjá starfsmannaleigunni Menn í vinnu ehf. er gagnrýndur. Meira »

Lifði af sex sólarhringa í snjóflóði

Í gær, 18:02 Hvort það hafi verið hundalán eða kraftaverk að hundurinn Þota hafi skilað sér aftur heim á bæ í Hallkelsstaðahlíð í Hnappadal sex dögum eftir að hafa horfið sporlaust af bænum skal látið ósagt, en annað hvort var það. Í marga daga var Þotu leitað án árangurs, á meðan var hún grafin undir snjóflóði. Meira »

Breytingar Samskipa gefið góða raun

Í gær, 17:40 Ráðist var í umfangsmiklar breytingar á siglingakerfi Samskipa síðastliðið haust og hafa þær gefið góða raun. Felast breytingarnar meðal annars í því að bætt var við einu skipi, tveimur skipum skipt út fyrir stærri skip og loks var siglingakerfið endurskipulagt. Meira »

Sakar Bryndísi um hroka

Í gær, 16:57 Kristján Þórður Snæ­bjarn­ar­son, formaður Rafiðnaðarsam­bands Íslands, segir að ummæli Bryndísar Haraldsdóttur, þingmanns Sjálfstæðisflokksins, sýni mikinn hroka. Bryndís sagði á Þingvöllum á K100 í morgun að forysta verkalýðsfélaga stýri ekki landinu. Meira »

Leita Jóns frá morgni til kvölds

Í gær, 14:24 Fjölskylda og vinir Jóns Þrastar Jónssonar, sem hvarf á laugardagsmorgun fyrir um viku í Dublin, hafa frá í gærmorgun gengið skipulega um hverfi borgarinnar í allsherjarleit. Á bilinu 12 til 15 manns hafa leitað hans frá í gærmorgun þegar skipulögð leit hófst. Meira »

Röktu ferðir ræningja í snjónum

Í gær, 14:09 Rán var framið í kjörbúð á Akureyri á sjöunda tímanum í morgun. Karlmaður á þrítugsaldri ógnaði tveimur starfsmönnum með hnífi og krafðist þess að fá afhenta peninga úr sjóðsvélum. Maðurinn hljóp á brott úr versluninni þegar hann var kominn með peningana. Meira »

Mismunar miðlum gróflega

Í gær, 14:00 Réttlátara væri að fella niður tryggingagjald hjá fjölmiðlum eða fella niður virðisaukaskatt á áskriftarmiðla frekar en að ríkið endurgreiddi hluta ritstjórnarkostnaðar einkarekinna fjölmiðla. Þetta sagði Stefán Einar Stefánsson, ritstjóri viðskipta Morgunblaðsins, í útvarpsþættinum Þingvöllum á K100 í morgun. Meira »

Verkalýðsfélög stýra ekki landinu

Í gær, 11:42 Bryndís Haraldsdóttir, þingmaður Sjálfstæðisflokksins, segir forystu verkalýðsfélaganna ekki kjörna til að fara með stjórn landsmála heldur fyrst og fremst til þess að semja um kjör á markaði við sína viðsemjendur. Viðsemjendurnir eru Samtök atvinnulífsins en ekki ríkið. Meira »

Búið að opna fyrir umferð um Hellisheiði

Í gær, 09:35 Búið er að opna fyrir umferð um Hellisheiði, en veginum var lokað í nótt vegna ófærðar. Fyrr í morgun var opnað fyrir umferð um Þrengslin, en þar hafði einnig verið lokað fyrir umferð í nótt. Meira »

Fjölmiðlar, kjarabarátta og kjördæmavikan

Í gær, 09:30 Þingkonurnar Bryndís Haraldsdóttir, Steinunn Þóra Árnadóttir og Halldóra Mogensen mæta í þáttinn Þingvelli á K100 í dag og munu ræða við Björt Ólafsdóttur meðal annars um kjarabaráttuna, kjördæmaviku og afsögn varaþingmanns Pírata Meira »

Hætta á óafturkræfum inngripum

Í gær, 08:37 Katrín Jakobsdóttir forsætisráðherra kynnti nýverið drög að frumvarpi til laga um kynrænt sjálfræði. Kitty Anderson, formaður Intersex Ísland, segir að þangað til lögunum verður breytt sé hætta á að börn séu látin sæta óafturkræfum inngripum sem eru byggð á félagslegum eða útlitslegum forsendum. Meira »

Sjóveðurfréttirnar halda enn gildi sínu

Í gær, 08:00 Sjóveðurfréttir hafa frá áramótum verið lesnar klukkan 5.03 að morgni á Rás 1 í Ríkisútvarpinu, að loknum útvarpsfréttum sem sendar eru út klukkan fimm. Áður voru sjóveðurfréttirnar lesnar klukkan 4.30 en með þessum breytingum verða allir veðurfréttatímar í kjölfar útvarpsfrétta á RÚV. Meira »

Ók á kyrrstæða bíla og svo á brott

Í gær, 07:22 Yfir 80 mál komu upp hjá lögreglunni á höfuðborgarsvæðinu frá því klukkan sjö í gærkvöldi fram á morgun og voru níu vistaðir í fangageymslu í nótt. Tveir menn voru meðal annars handteknir í Reykjavík seint í gærkvöldi grunaðir um sölu og dreifingu fíkniefna. Voru þeir vistaðir í fangageymslu. Meira »

Þungfært víða og Hellisheiði lokuð

Í gær, 07:13 Hellisheiði er enn lokuð eftir að hafa verið lokuð í nótt vegna veðurs. Þá eru hálkublettir á Reykjanesbraut, en hálka og éljagangur á Grindarvíkurvegi. Hálka eða snjóþekja er á flestum öðrum leiðum á Suðvesturlandi. Meira »
Bækur til sölu
Bækur til sölu Grjótbækur Kjarvals, 3 stk. ib., Old Nordisk Ordbog 1863, Eiríkur...
SUMARHÚS- GESTAHÚS- BREYTINGAR
Sumarhús - Gestahús - Breytingar ? Framleiðum stórglæsileg sumarhús í ýmsum stær...
NOTAÐ&NÝTT
NOTAÐ&NÝTT er ný verslun á Skemmuvegi 6 á bak við Byko. Mikið úrval af fallegum ...
Þreyttur á reykinga- myglulykt, lausn ?
Eyðir flest allri ólykt, m.a. Myglu-gró ásamt og raka- reykinga- og brunalykt. ...