Verið er að hreinsa íbúðagötur í hverfum borgarinnar en unnið hefur verið að mokstri og hreinsun á götum og stígum Reykjavíkur frá því í nótt. Talsvert bætti í snjó í nótt en þar sem mun kaldara er í veðri í dag en í gærmorgun er hreinsunarstarfið auðveldara, segir Þröstur Víðisson, verkstjóri hjá Reykjavíkurborg. Allar helstu leiðir eru greiðfærar en lítil skynsemi í því að fara út í umferðina á vanbúnum bílum.
Almennt er vetrarfæri á landinu, hálka eða snjóþekja á flestum leiðum en lítill vindur. Unnið er að mokstri, samkvæmt upplýsingum frá Vegagerðinni.
Höfuðborgarsvæðið: Hálkublettir eru á stofnbrautum.
Suðvesturland: Hálka eða snjóþekja á flestöllum vegum. Þæfingsfærð er á Mosfellsheiði og í Kjósarskarði.
Vesturland: Víðast hvar hálka eða snjóþekja.
Vestfirðir: Snjóþekja og hálka á vegum en þæfingsfærð norður í Árneshrepp.
Norðurland: Hálka víðast hvar en snjóþekja á útvegum.
Norðausturland: Hálka eða snjóþekja eru á flestöllum vegum.
Austurland: Snjóþekja eða hálka víðast hvar.
Suðausturland: Víðast hvar hálka á svæðinu.
Suðurland: Snjóþekja á flestum vegum.