Gjaldeyrisbrask og hlutabréfaást í héraði

Kristján Georg Jósteinsson (t.h.) er sagður hafa verið ástfanginn af ...
Kristján Georg Jósteinsson (t.h.) er sagður hafa verið ástfanginn af hlutabréfamarkaðnum allt frá barnæsku. Hér er hann við upphaf aðalmeðferðar í morgun, ásamt Reimari Péturssyni verjanda sínum. mbl.is/Eggert

Alls gáfu átta vitni skýrslu fyrir Héraðsdómi Reykjavíkur í dag, við aðalmeðferð máls sem varðar innherjasvik fyrrverandi forstöðumanns hjá Icelandair. Vitnaleiðslum er lokið, en munnlegur málflutningur fer fram í fyrramálið.

Björn Stefánsson, fasteignasali og gjaldeyrisbraskari, að eigin sögn, kom síðastur fyrir dóminn og staðfesti það sem kom fram í morgun í svörum Kjartans Jónssonar, sem er ákærður fyrir innherjasvik í málinu, að uppruna þeirra rúmlega þriggja milljóna króna sem haldlagðar voru á heimili Kjartans við rannsókn málsins væri að rekja til gjaldeyrisviðskipta sem Björn hafði milligöngu um.

Kjartan var í námi í Japan og þar segist hann hafa náð að safna sér dágóðum sjóði af japönskum jenum, sem Björn keypti af honum fyrir hönd annars manns, samkvæmt því sem hann sagði fyrir dóminum, en þeir Björn og Kjartan kynntust í útlöndum.

„Við fórum í langt ferðalag um Kambódíu fyrir einhverjum 20-25 árum,“ sagði Björn um samband þeirra tveggja, en þeir hittast að hans sögn stundum á kvöldin til að drekka, enda eru þeir báðir einhleypir.

Stuðst við gögn frá Kjartani við gerð tekjuspár

Fyrir dóminn kom Matthías Sveinbjörnsson, flugmaður hjá Icelandair og fyrrverandi forstöðumaður tekjustýringar hjá flugfélaginu. Hann vann náið með Kjartani Jónssyni en gott samstarf tekjustýringar og leiðakerfisstjórnunar, sem Kjartan veitti forstöðu, var mikilvægt fyrir velgengni flugfélagins, að sögn Matthíasar.

Matthías var með tekjuspá félagsins á sinni ábyrgð, en allar breytingar á henni voru ákveðnar af honum og hans fólki. Fram kom í vitnisburði hans að við gerð tekjuspárinnar hefðu upplýsingar frá Kjartani verið hafðar til hliðsjónar, en Kjartan sá um að uppfæra skjal sem „sýndi breytingar á bókunum í samanburði við síðasta ár og breytingar á verðinu í samanburði við síðasta ár“, upplýsingar sem skipta miklu máli, að sögn Matthíasar.

Kjartan Jónsson, sem situr hér fyrir miðri mynd, sagði í ...
Kjartan Jónsson, sem situr hér fyrir miðri mynd, sagði í morgun að hann hefði fengið þrjár milljónirnar sem haldlagðar voru á heimili hans í gjaldeyrisviðskiptum. Það staðfesti vitni síðdegis. mbl.is/Eggert

Þessar tölur um bókunarflæði félagsins litu ekki vel út í ársbyrjun 2017 og sú staða lagaðist ekki, sem varð til þess að Icelandair sendi frá sér afkomuviðvörun 1. febrúar. Í kjölfarið innleystu tveir ákærðu í málinu, Kristján Georg Jósteinsson og Kjartan Bergur Jónsson, umtalsverðan hagnað vegna afleiðuviðskipta sem byggðust á hlutabréfaverði Icelandair, sem féll afar skarpt á þessum tíma.

Kjartan er sakaður um að hafa veitt Kristjáni Georg upplýsingar um laka stöðu félagsins og Kristján Georg er sagður hafa miðlað þeim áfram til Kjartans Bergs.

Davíð Þorláksson, sem starfaði sem yfirlögfræðingur Icelandair Group á ákærutímabilinu, sagði fyrir dómi að hann hefði fyrst verið upplýstur um að senda þyrfti út afkomuviðvörun 31. janúar 2017. Fram kom í máli hans að félagið hefði lagt áherslu á að birta innherjaupplýsingar um leið og þær lágu fyrir.

Þeir Matthías og Davíð voru þeir einu sem störfuðu hjá Icelandair á ákærutímabilinu sem kallaðir voru fyrir dóminn sem vitni.

Fjármögnun Matstöðvarinnar í Kópavogi

Vitnaleiðslurnar tóku örlítið óvænta stefnu, að mati blaðamanns, er tekin var símaskýrsla af matreiðslumanni og hann spurður út í það hvernig hann, ásamt Brynjólfi, bróður Kristjáns Georgs, fjármagnaði standsetningu og tækjakaup á veitingastaðnum Matstöðinni, sem er í Kópavogi.

Matreiðslumaðurinn sagði að fjármögnunin hefði verið í höndum Brynjólfs Jósteinssonar, á meðan hann sjálfur hefði hugsað um matinn. Þannig hefði samstarfi þeirra verið háttað, en því er lokið í dag.

Brynjólfur sagðist sjálfur hafa fengið fimm milljóna króna lán til standsetningar staðarins frá bróður sínum, eftir að hafa fengið synjun um bankalán. Hann fékk féð, fimm milljónirnar, í reiðufé, sem bróðir hans færði honum, í febrúar 2017.

Áður hafði komið fram við réttarhöldin að Kjartan Bergur, sem er ákærður í málinu en skilur ekki hvers vegna, hefði tekið fimm milljónir út úr hraðbanka í seðlum eftir að hann var búinn að innleysa hagnað sinn af afleiðusamningnum sem hann gerði.

„Ástfanginn af þessum hlutabréfamarkaði“

Ómar Sigtryggsson, æskufélagi Kristjáns Georgs og viðskiptafræðingur sem starfar í fjármálageiranum, kom einnig fyrir dóminn. Hann lýsti því sem svo að Kristján væri „búinn að vera í raun og veru ástfanginn af þessum hlutabréfamarkaði“ síðan hann myndi eftir sér, en sjálfur lýsti Kristján því fyrir dómi í morgun að hann hefði átt sín fyrstu viðskipti með hlutabréf 17-18 ára gamall og alltaf verið hugfanginn af markaðnum.

Hann sagðist hafa séð að vinur sinn hefði „gríðarlega kunnáttu“ á hlutabréfamarkaði og að hann væri duglegur að fylgjast með fréttum af fyrirtækjum sem hann hefði svo tekið inn í ákvarðanir sínar á markaðnum. Hann sagði einnig að það væri „ekkert sem benti til þess að Kristján vissi meira en aðrir um mál Icelandair“.

Sigurður Rúnar Ólafsson, fyrrverandi verðbréfamiðlari hjá Landsbankanum, sagði að það hefði ekki verið neitt í fari Kristjáns sem hefði gefið til kynna að hann byggi yfir innherjaupplýsingum um Icelandair og að ekkert hefði verið óvenjulegt við þá afleiðusamninga sem hann gerði fyrir hönd fyrirtækis síns VIP Travel.

Símtal á milli Sigurðar og Kristjáns var borið undir Sigurð, en þar sagði Kristján meðal annars að það væru „að koma, koma svaka, svaka fín­ar töl­ur á föstu­dag­inn maður,“ og vísaði þá til flutningstalna Icelandair, sem eru kynntar mánaðarlega.

Sigurður sagði að tal sem þetta í samskiptum miðlara og viðskiptavina væri ekki óalgengt, þar sem menn spái fyrir um þetta, meðal annars greinendur. Það þyrfti ekki að þýða að menn hefðu aðgang að innherjaupplýsingum, þó að þeir töluðu á þennan hátt við verðbréfamiðlara.

Sem áður segir er vitnaleiðslum lokið og munnlegur málflutningur verður í fyrramálið.

mbl.is

Innlent »

Vitlaus klukka hefur áhrif á marga

18:20 Það að að seinka sólarupprás og sólsetri getur leitt til þess að líkamsferlum getur seinkað. „Það er bara þannig. Það hefur verið sýnt fram á þetta í fjölmörgum rannsóknum á mönnum, dýrum og plöntum. Þú getur fundið þetta hvar sem er í lífríkinu,“ segir Björg Þorleifsdóttir, lektor við læknadeild Háskóla Íslands. Meira »

Neitar því ekki að hafa átt við mæla

18:00 Framkvæmdastjóri bílaleigunnar Green Motion segir að þeir sem hafi keypt bíla af fyrirtækinu hafi haft vissu um rétta kílómetrastöðu bílanna en neitar því ekki að bílaleigan hafi fært niður kílómetrastöður. Hann segir fólk ekki hrifið af of mikið keyrðum bílum. Meira »

Kona slasaðist í Hrafnfirði

17:55 Samkvæmt upplýsingum frá Landhelgisgæslunni hefur slösuðum einstaklingi verið komið um borð í þyrlu gæslunnar sem er á leið til Reykjavíkur. Þyrlan var fyrst kölluð út klukkan 15:19, en mótvindur gerir það að verkum að lengri tíma tekur að fljúga suður. Meira »

Öflugri blóðskimun nauðsynleg

17:50 Reynslan af því að hverfa frá algjöru banni við blóðgjöfum karla, sem stunda kynlíf með öðrum körlum, og heimila þær af því gefnu að gjafi hafi ekki stundað kynmök í sex til 12 mánuði hefur ekki gefið tilefni til þess að efast um öryggi blóðgjafarinnar. Meira »

„Engin heilsa án geðheilsu“

17:35 „Það er mik­il aðsókn í sál­fræðiþjón­ustu og mín trú er sú að hún eigi bara eft­ir að aukast,“ segir Agnes Agnarsdóttir, fagstjóri sálfræðiþjónustu hjá Heilsugæslu höfuðborgarsvæðisins, við mbl.is eftir að greint var frá úthlutun 630 milljóna króna til að efla geðheilbrigðisþjónustu á landsvísu. Meira »

Hagsmuna Íslands ekki gætt

17:12 „Valdastaða á íslenskum markaði er drifin áfram af fjársterkum fyrirtækjum. Við því er ekkert annað svar en samstaða og sókn,“ segir Haraldur Benediktsson, þingmaður Sjálfstæðisflokksins og fyrrverandi formaður Bændasamtaka Íslands á Facebook-síðu sinni í dag. Meira »

„Við viljum fá meiri festu í þetta“

16:38 „Við erum að vísa til sáttasemjara og vorum búin að vera lengi í þessum viðræðum og viljum færa þetta á næsta stig,“ segir Björn Snæbjörnsson, formaður SGS, í samtali við mbl.is. Meira »

SGS vísar deilu til ríkissáttasemjara

16:17 Starfsgreinasambandið telur vonlítið um árangur af frekari samningaumleitunum við Samtök atvinnulífsins vegna endurnýjunar kjarasamninga og hefur ákveðið að vísa deilunni til ríkissáttasemjara. Meira »

630 milljónir í geðheilbrigðismál

15:34 „Það sem að við erum að gera með þessari ákvörðun er að styrkja geðheilbrigðisþjónustuna í fremstu línu heilbrigðisþjónustunnar,“ segir Svandís Svavarsdóttir heilbrigðisráðherra. Hún gerði í dag grein fyrir 630 milljóna króna úthlutun til að efla geðheilbrigðisþjónustu á landsvísu. Meira »

Léku sér að hættunni

15:32 „Ég hef aldrei séð neinn haga sér með þessum hætti áður. Fólkið stóð í fjörunni beint fyrir framan risastórar öldur. Yfirleitt hleypur fólk á undan öldunum sem er líka mjög hættulegt en þetta var stórhættulegt,“ segir Petra Albrecht, rútubílstjóri. Meira »

„Félögin saman í öllum aðgerðum“

15:28 „Nú þurfum við að gæta þess vel að koma öllum skilaboðum til okkar félagsmanna,“ segir Sólveig Anna Jónsdóttir, formaður Eflingar, spurð um hvað taki nú við. Þá hvatti hún sérstaklega sína félagsmenn til að fylgjast vel með og að allar fyrirhugaðar aðgerðir verði lagðar fyrir félagsmenn í kosningu. Meira »

Meint tæling ekki á rökum reist

15:17 Óskað var eftir aðstoð lögreglu um klukkan 11 í morgun eftir að tilkynning barst um að tveir menn hafi reynt að tæla barn upp í bíl. Þegar lögregla var á leið á vettvang var beiðni um aðstoð afturkölluð þar sem málið var á misskilningi byggt. Meira »

Vildi láta fjarlægja upplýsingar um sig

15:15 Persónuvernd hefur kveðið upp þann úrskurð að vinnsla Alþingis á persónuupplýsingum um fyrrverandi alþingismann og núverandi varaþingmann vegna Alþingismannatals samrýmist lögum um persónuvernd og vinnslu persónuupplýsinga. Meira »

Árásarmaðurinn sá sami

14:56 Sami karlmaður veittist að ungri konu á gatnamótum Vegmúla og Suðurlandsbrautar í hádeginu í gær og réðst á unga konu á Háaleitisbraut síðar í gær. Engin vitni hafa komið fram vegna fyrrnefnda atviksins. Meira »

Viðræðum hefur verið slitið

14:44 Viðræðum Efl­ing­ar, VR, VLFA, VLFG og Sam­taka at­vinnu­lífs­ins hefur verið slitið en samningafundur hófst um tvöleytið í húsa­kynn­um rík­is­sátta­semj­ara. Meira »

Hafa safnað yfir 2.000 undirskriftum

14:16 Yfir 2.000 manns hafa skrifað undir áskorun Landverndar til umhverfis- og auðlindaráðherra og forstjóra Umhverfisstofnunar um að hraða vinnu við friðlýsingu á áhrifasvæði Hvalárvirkjunar, Drangajökulssvæðinu, þannig að hægt verði að leggja friðlýsinguna fyrir Alþingi á haustþingi. Meira »

Fundur hjá ríkissáttasemjara hafinn

14:10 Fundur samninganefnda Eflingar, VR, VLFA, VLFG og Samtaka atvinnulífsins hófst nú rétt í þessu í húsakynnum ríkissáttasemjara. Fundurinn er sagður standa til klukkan hálffjögur. Talsmenn verkalýðshreyfingarinnar sögðust í gær ekki bjartsýnir á það að nýtt tilboð kæmi frá SA á fundinum í dag. Meira »

„Það sló út á allri Eyrinni“

13:43 Sjór flæddi yfir höfnina á Flateyri í morgun, sem olli því að rafmagn sló út í byggðarlaginu. Samkvæmt nýjustu upplýsingum frá Orkubúi Vestfjarða hefur rafmagni verið komið á að nýju, en enn er rafmagnslaust á höfninni. Meira »

Fyrstu og önnur verðlaun til Íslands

13:33 Bæði fyrsta og annað sætið í árlegri Ljósmyndakeppni sjómanna á Norðurlöndunum féllu í skaut Íslendinga. Sænskur sjómaður varð í þriðja sæti, Dani í því fjórða og Norðmaður í fimmta sætinu að því er segir í fréttatilkynningu frá Sjómannablaðinu Víkingi en blaðið hefur í 17 ár staðið fyrir ljósmyndakeppni á meðal íslenskra sjómanna. Meira »
Ford Escape 2007. SKOÐAÐUR. SKIPTI MÖGULEG.
FORD ESCAPE XLT, 0 6/2007, EK. 122 Þ. KM., V6, 3,0, 201 HÖ., SJÁLFSK.,...
Vantar gæslu fyrir kisu/kisann?
www.kattholt.is rekur hótel fyrir kisu/kisann. kattholt@kattholt.is // s;567 ...
Nissan Qashqai 2018. Ekinn aðeins 14þ km. Ekki bílaleigubíll
https://bland.is/classified/entry.aspx?classifiedId=3933554 NISSAN QASHQAI, 4...
Þreyttur á reykinga- myglulykt, lausn ?
Eyðir flest allri ólykt, m.a. Myglu-gró ásamt og raka- reykinga- og brunalykt. ...