„Þetta er tómt kjaftæði“
Sigurður Páll Jónsson, þingmaður Miðflokksins, í miðjunni.
mbl.is/Hari
Setja bókamerki
„Þetta er tómt kjaftæði,“ segir Sigurður Páll Jónsson, þingmaður Miðflokksins, um fréttaflutning um að hann sé afar ósáttur við stöðu mála í flokknum.
Fram kom í Fréttablaðinu að hann og Birgir Þórarinsson, samflokksmaður hans úr Miðflokknum, séu ósáttir við framgöngu og endurkomu félaga sinna úr flokknum á Alþingi sem höfðu uppi ósæmileg ummæli á Klaustri á síðasta ári.
„Ég er ekki ósáttur. Það var alveg vitað að þeir voru bara í fríi,“ segir Sigurður Páll og bætir við að hann sé á þurru landi en ekki landlaus og á leið í Sjálfstæðisflokkinn eins og haldið var fram, samkvæmt heimildum.
Hann segir stemninguna í Miðflokknum fína og að allir sem hann hefur talað við snúi bökum saman.
Ekki náðist í Birgi Þórarinsson við vinnslu fréttarinnar.
Mikilvægt að vera á tánum
Færa slökkviliðið til nútímans
Ný staða uppi og óvissan meiri
Sárt að horfa upp á illa meðferð fjármuna
„Búið að vera í dreifingu í einhvern tíma“
Nauðgaði kærustu sinni og tók það upp
Almannavarnir auka viðbúnað