Logi Einarsson, formaður Samfylkingarinnar, segist ekki geta svarað því hvort Ágúst Ólafur Ágústsson, þingmaður flokksins, muni snúa aftur á þing síðar í vikunni.
Ágúst Ólafur tók sér tveggja mánaða launalaust leyfi í kjölfar áminningar frá trúnaðarnefnd flokksins vegna áreitni í garð konu.
Hann tilkynnti þetta 7. desember og verða því tveir mánuðir liðnir síðan þá á fimmtudaginn, að því er fram kemur í umfjöllun um mál þetta í Morgunblaðinu í dag.