Hluta fjárveitinga skilað á Kjalarnes

Meirihluti umhverfis- og samgöngunefndar hefur lagt fram breytingartillögu við breytingartillögu sína við tillögu að samgönguáætlun fyrir árin 2019-2023.

Með henni er dregið úr tilfærslu fjárveitinga til breikkunar hringvegar um Kjalarnes á milli ára.

Í upphaflegri tillögu átti að flytja 600 milljónir af Kjalarnesi á þessu ári og því næsta í önnur verkefni en bæta það upp á árunum 2022 og 2023. Í greinargerð kemur fram að við breytingar á samgönguáætlun hafi ekki verið ætlun meirihlutans að seinka verklokum framkvæmda eða draga verulega úr framkvæmdahraða.