Yfir 80.000 mislingasmit í Evrópu 2018

Hátt þátttökuhlutfall í bólusetningum gegn mislingum er eina leiðin til ...
Hátt þátttökuhlutfall í bólusetningum gegn mislingum er eina leiðin til þess að halda mislingafaraldrinum sem geisar í Evrópu frá landinu. mbl.is/​Hari

Rúmlega tíu þúsund einstaklingar á Evrópska efnahagssvæðinu smituðust af mislingum árið 2018, 29% þeirra voru börn undir fimm ára aldri. Sama ár smituðust yfir 80 þúsund í Evrópu allri.

„Þetta er búið að vera viðvarandi vandamál í dálítinn tíma og við höfum verið að benda á þetta mikla mislingasmit í Evrópu þar sem rúmlega tíu þúsund sýktust af mislingum,“ segir Þórólfur Guðnason, sóttvarnalæknir hjá embætti landlæknis, í samtali við mbl.is.

Hann segir að eina leiðin til þess að halda sjúkdómnum frá landinu sé að tryggja að sem flestir séu bólusettir gegn mislingum.

„Við viljum helst hafa þátttökuna um 90 til 95% eins og hún er hér. Ég held að þó að hér hafi komið upp stök tilvik erlendis frá, einstaklingar sem hafa verið á ferðalögum og svona, þá höfum við ekki séð nein smit út frá þeim. Þátttakan er það góð hér á Íslandi að það verður ekki meira úr því.“

Þórólfur Guðnason sóttvarnalæknir.
Þórólfur Guðnason sóttvarnalæknir.

12.352 tilfelli innan EES 2018

Frá 1. janúar til 31. desember 2018 greindust 12.352 tilfelli mislinga innan Evrópska efnahagssvæðisins samkvæmt tölum Evrópsku sóttvarnastofnunarinnar. Flest þeirra í Frakklandi (24%), Ítalíu (20%), Grikklandi (19%) og Rúmeníu (9%). Ísland er eina landið í Evrópu þar sem engir mislingar fundust.

Í þeim tilvikum þar sem aldur fylgdi tilkynningu til stofnunarinnar voru 29% smita meðal barna undir fimm ára aldri og 47% meðal einstaklinga yngri en 15 ára. Þá létu 35 lífið vegna sjúkdómsins árið 2018.

Árið 2017 var tilkynnt um 14.451 mislingasmit, þar af greindust þrjú á Íslandi. Flest tilfelli voru í Rúmeníu eða 38% þeirra og á Ítalíu þar sem 35% tilfella greindust.

Mislingasmit á hverja milljón íbúa.
Mislingasmit á hverja milljón íbúa.

Spurður um þann mikla fjölda tilfella sem eru að greinast innan ríkja sem teljast nokkuð þróuð, svarar Þórólfur: „Það er ekki nóg að vera þróað ríki, þátttakan í bólusetningum má ekki detta niður. Það er nú oft að gerast í þessum þróuðu löndum að það er fólk sem vill ekki láta bólusetja börnin. Ef þátttakan dettur niður fyrir um 80 til 90% þá er hætta á því að svona faraldrar geti komið aftur.“

„Ég ítreka enn og aftur mikilvægi bólusetninga og hvað það skiptir miklu máli að halda uppi góðri þátttöku til þess að halda þessum sjúkdómi frá landinu,“ segir hann.

Bólusetningarhlutfall.
Bólusetningarhlutfall.

72 létust vegna mislinga

Ef litið er til Evrópu samkvæmt skilgreiningu Alþjóðaheilbrigðisstofnunarinnar (WHO), sem nær auk Evrópska efnahagssvæðisins til 17 annarra ríkja, er talið að 82.596 hafi smitast af mislingum árið 2018.

Þrefalt fleiri greindust með mislinga árið 2018 en árið 2017 og 15 sinnum fleiri en árið 2016 samkvæmt tölum WHO. Þá segir að 72 einstaklingar létust vegna mislinga árið 2018.

Árið 2000 hóf WHO sérstaka herferð til þess að fjölga bólusetningum við mislingum og voru fleiri bólusettir 2017 en nokkru sinni fyrr. Mat WHO er að árangurinn í fjölgun bólusettra „mun ekki duga til þess að stöðva útbreiðslu mislinga“.

Neyðarástand í Washington

Jay Inslee, ríkisstjóri Washington í Bandaríkjunum, hefur lýst yfir neyðarástandi vegna fjölda tilfella mislingasmits í ríkinu. Á fimmtudag voru tilfellin orðin 55 frá áramótum og greindust aðallega meðal barna undir tíu ára aldri. Árið 2000 var því fagnað að sjúkdómnum hefði verið útrýmt í Bandaríkjunum, að því er fram kemur í umfjöllun NPR.

Ríkisstjórinn lýsti yfir neyðarástandi 25. janúar þegar 26 tilkynningar höfðu borist um mislingasmit, en þau hafa nú tvöfaldast á tveimur vikum. Flest greindra tilfella hafa borist frá Clark-sýslu og í kjölfar frétta af mislingasmiti varð um 500% fjölgun bólusetninga í sýslunni, úr 530 í janúar 2018 í 3.150 í janúar 2019.

„Þegar smit breiðist út kemur oft fólk til þess að láta bólusetja sig, sem undir venjulegum kringumstæðum hefur efasemdir um gagnsemi bólusetninga,“ hefur Kaiser Health News eftir Virgina Ramos, hjúkrunarfræðingi við Sea Mar Community Health Center, sem rekur sex bólusetningarstöðvar í sýslunni.

mbl.is

Innlent »

Höfðu afskipti af „virki“ í flugstöðinni

09:54 Flugvallarstarfsmenn á Keflavíkurflugvelli óskuðu nýverið eftir aðstoð lögreglunnar á Suðurnesjum vegna flugfarþega sem höfðu hreiðrað um sig hjá söluskrifstofu Icelandair í flugstöðinni. Í tilkynningu frá lögreglunni segir að öryggisgæslan á flugvellinum hafi reynt að koma þeim á æskilegri stað, en þau brugðist illa við þeim umleitunum. Meira »

Stefnir í góðan dag í brekkunum

09:54 Helstu skíðasvæði landsins opna núna klukkan tíu í dag og eru opin frameftir degi. Bláfjöll, Skálafell og Hlíðarfjall tala öll á vefsíðum sínum um smá frost en hér um bil logn víðast. Meira »

Grænmetismarkaðurinn jafnar sig

08:18 „Mér sýnist markaðurinn vera heldur að jafna sig á Costco-áhrifunum. Ég upplifi það líka sem viðskiptavinur að hægt er að fá körfu þótt komið sé þangað á föstudegi,“ segir Gunnar Þorgeirsson, formaður Sambands garðyrkjubænda, um þróunina í sölu á grænmeti og berjum. Meira »

Auka verður framlög til viðhalds og vegagerðar

07:57 Samtök ferðaþjónustunnar (SAF) hafa áhyggjur af tíðum umferðarslysum á þjóðvegunum, að sögn Jóhannesar Þórs Skúlasonar, framkvæmdastjóra SAF. Hann benti á að auknum fjölda erlendra ferðamanna hefði fylgt fjölgun slysa. Meira »

Erlendir svikahrappar í símanum

07:37 Heimilisfólk á Dvalarheimilinu Jaðri í Ólafsvík hefur orðið fyrir ónæði vegna hringinga í heimilissíma, þar sem hringjendur tala ensku, segjast vera frá tölvufyrirtæki og vilja laga tölvur viðkomandi með aðstoð eigendanna. Meira »

Réðst á gesti og starfsfólk

07:22 Lögreglan á höfuðborgarsvæðinu hafði afskipti af ölvaðri konu við veitingahús í miðborginni á fjórða tímanum í nótt. Konan er grunuð um að hafa ráðist á gesti og starfsfólk veitingahússins. Konan neitaði aðspurð að gefa lögreglu nafn sitt eða kennitölu og var hún vistuð fyrir rannsókn máls í fangageymslu lögreglu. Meira »

Handtekinn eftir umferðarslys

07:14 Á þriðja tímanum í nótt var lögreglan kölluð til vegna umferðarslyss á Bústaðarvegi við Sprengisand, en þar höfðu tveir bílar skollið saman. Annar ökumaðurinn var handtekinn grunaðar um ölvun við akstur og að hafa ekið án réttinda. Meira »

Rukkun fyrir ferð sem aldrei var farin

05:30 „Ég var frekar undrandi að sjá þetta og kannaðist ekki við að hafa verið þarna á ferðinni, eða bílar á mínum vegum,“ segir Anders Hansen á Leirubakka í Landsveit á Suðurlandi, sem rak augun í rukkun frá Vaðlaheiðargöngum í vikunni, þegar hann opnaði heimabanka sinn í tölvunni. Meira »

Venjuleg jarðarför kostar yfir milljón

05:30 Áætla má að kostnaður við útfarir sé nokkuð á þriðja milljarð króna á ári. Þórólfur Sveinsson, búfræðikandidat á Ferjubakka í Borgarfirði, segir að ef kostnaður við „venjulega“ útför sé orðinn yfir milljón skipti hann verulegu máli fyrir talsverðan hóp fólks. Meira »

Kostir stjórnvalda skýrir

05:30 „Valkostirnir eru skýrir fyrir stjórnvöld, það er annaðhvort að vera með vinnumarkaðinn í fanginu út kjörtímabilið eða fá vinnufrið og byggja upp betra, réttlátara og stöðugra samfélag,“ segir Ragnar Þór Ingólfsson, formaður VR, eftir að verkalýðsfélögin höfnuðu tilboði Samtaka atvinnulífsins í gær. Meira »

Reglur um kaupauka íþyngi ekki

05:30 Starfsfólk fjármálafyrirtækja á Íslandi getur fengið mest 25% kaupauka sem hlutfall af árslaunum. Slíkt hámark er ekki hjá öðrum starfsstéttum á Íslandi. Meira »

Sex skip voru við loðnuleit

05:30 Tvö norsk veiðiskip hafa bæst í hóp skipa sem leita loðnu við landið og í gær voru sex skip við loðnuleit. Langt er síðan slíkur fjöldi skipa hefur tekið þátt í verkefni sem þessu ef þá nokkurn tímann. Meira »

Heiðursborgarar funda í Iðnó

05:30 Boðað er til svonefndrar baráttuskemmtunar um Víkurkirkjugarð í Iðnó í dag, laugardag, kl. 14. Ávörp flytja Vigdís Finnbogadóttir, Friðrik Ólafsson og Hjörleifur Stefánsson. Þorgerður Ingólfsdóttir stjórnar söng og leikarar flytja leikþátt. Meira »

Fjórhjólum ekið um göngustíga

05:30 Nokkur brögð eru að því innan og utan höfuðborgarsvæðisins að fjórhjólum sé ekið um göngustíga eða aðra slóða sem ökutækjum er bannað að aka eftir. Meira »

Vistaður í fangageymslu eftir bílveltu

Í gær, 23:42 Bíll valt á Vesturlandsvegi í Kollafirði á tíunda tímanum í kvöld. Ökumaður var fluttur á slysadeild Landspítala en meiðsli hans eru ekki talin alvarleg. Meira »

Grunnurinn lagður með 25 aurum á mann

Í gær, 23:01 Knattspyrnufélag Reykjavíkur var stofnað 1899 og verður 120 ára á morgun, laugardaginn 16. febrúar. „Ekki mörg félög hérlendis eiga sögu sem nær til þriggja alda,“ segir Gylfi Dalmann Aðalsteinsson, formaður KR, en áfanganum verður fagnað með ýmsum hætti á árinu og byrjað á köku að loknu getraunakaffinu í fyrramálið. Meira »

„Þeir eru óheiðarlegir“

Í gær, 22:48 Alþjóðlega bílaleiguvefsíðan Auto Europe er hætt viðskiptum við íslensku bílaleiguna Procar. Sú ákvörðun var tekin í dag, að sögn forstjóra fyrirtækisins, Imad Khalidi, sem svaraði fyrirspurn mbl.is í kvöld. Meira »

Olli óhappi undir áhrifum

Í gær, 22:40 Ökumaður, sem grunaður er um akstur undir áhrifum áfengis eða fíkniefna, var handtekinn eftir að hann missti stjórn á bifreið sinni og ók á annan bíl á Nýbýlavegi í Kópavogi um klukkan níu í kvöld. Meira »

Ullin er óendanleg uppspretta

Í gær, 22:07 „Ég er alltaf með eitthvað skemmtilegt á prjónunun,“ segir Ragnheiður Sjöfn Jóhannsdóttir í Mosfellsbæ. Síðan í barnæsku hefur handverk og prjónaskapur verið hennar hálfa líf og starfsvettvangur síðustu árin. Hún var kennari um langt árabil, en valdi hins vegar að róa á ný mið og setti árið 2009 á laggirnar fyrirtækið Culture and Craft. Meira »