Embættin verði saman í stórhýsi

Hugmyndir eru um sameiginlega nýbyggingu fyrir lögregluembættin, tollinn og viðbragðsaðila á höfuðborgarsvæðinu.

Verkefnið er í þarfagreiningu. Næsta skref verður að meta valkosti og mögulegar staðsetningar, að því er fram kemur í umfjöllun um áform þessi í Morgunblaðinu í dag.

Með flutningi þessara aðila opnast möguleikar til breytinga og uppbyggingar á stórum og áberandi reitum í miðborginni.

Meðal annars hefur borgin horft til uppbyggingar á bílastæðinu norðan við lögreglustöðina við Hlemm en á reit Slökkviliðsins á höfuðborgarsvæðinu í Skógarhlíð er einnig slíkt svigrúm. Þá býður hús Tollstjórans í Tryggvagötu upp á ýmsa möguleika.