Skera úr um lögmæti kosninganna
Setja bókamerki
Vigdís Hauksdóttir, borgarfulltrúi Miðflokksins, hefur ákveðið að senda beiðni til dómsmálaráðuneytisins þar sem óskað er eftir því að framkvæmd sveitarstjórnarkosninga 2018 í Reykjavík verður tekin til skoðunar og metið verður lögmæti þeirra. Hún tilkynnti fyrirætlun sína á Facebook í dag.
Í samtali við mbl.is segir Vigdís ákvörðunina koma í kjölfar fundar borgarráðs sem haldinn var í morgun. Þar var farið yfir úrskurð Persónuverndar um notkun Reykjavíkurborgar og rannsakenda við Háskóla Íslands á persónuupplýsingum frá Þjóðskrá Íslands.
„Ég var að bíða eftir þessum fundi til þess að sjá hvaða málsbætur þessir aðilar hafa og það kom ekki neitt nýtt fram á fundinum sem breytir þeirri afstöðu minni að málið sé grafalvarlegt og aðför að lýðræðinu í Reykjavík,“ segir Vigdís.
Í umræddum úrskurði er sagt að kjósendur hafi fengið gildishlaðin skilaboð frá borginni samhliða hvatningu til þess að kjósa, í einu tilfelli hafi verið um efnislega röng skilaboð að ræða.
Vigdís segist ekki hafa sent dómsmálaráðuneytinu erindi enn þá vegna málsins, en ætlar að nýta helgina í að skrifa greinargerð vegna málsins og afhenda dómsmálaráðuneytinu erindi í næstu viku.
„Það þarf að vinna mikinn fjölda upp“
Handteknir eftir myndatöku í Vesturbæjarlaug
Shakespeare fannst í skókassa
Eyjafjarðarbraut lokað vegna alvarlegs umferðarslyss
Sex hafa greinst með listeríu
„Umsátursástand“
Væri að ljúga ef ég segðist ekki stressaður