Fimm heppnir miðaeigendur eru rúmlega 43 milljónum króna betur staddir eftir að dregið var í Eurojackpot-lottóinu í kvöld en þeir skiptu með sér öðrum vinningnum.
Þrír miðanna voru keyptir í Þýskalandi, einn á Spáni og einn í Slóvakíu. Fyrsti vinningurinn, upp á rúmlega 1,3 milljarða króna, gekk hins vegar ekki út.
Þá skiptu tveir með sér þriðja vinningnum og eru rúmlega 38 milljónum króna ríkari. Miðarnir voru keyptir í Þýskalandi og Póllandi.
Tölur kvöldsins voru 1, 24, 30, 31, 47, 7 og 9.
Einn var með fjórar réttar tölur í réttri röð í Jóker og fær að launum 100 þúsund krónur, en sá keypti miðann í N1 á Leiruvegi á Akureyri.
Jókertölur kvöldsins voru 7, 2, 1, 5 og 3.