Skordýr fannst í maíspoppi

Samkaup hafa innkallað maíspopp frá framleiðandanum Coop, en skordýr fundust í slíkri vöru. Um er að ræða 500 g einingu sem merkt er með best fyrir dagsetningunni 22.10.2019. Þetta kemur fram í tilkynningu frá Matvælastofnun.

Maíspoppið var til sölu í verslunum Kjörbúða, Krambúða, Nettó, Strax, Háskólabúðarinnar og Seljakjöri.

Viðskiptavinir eru hvattir til að skila vörunni í viðkomandi verslun gegn endurgreiðslu. Hægt er að skila vörunni í verslunum Nettó, Krambúðarinnar og Kjörbúðarinnar.

• Blogga um frétt