Líst ekki vel á framhaldið
Setja bókamerki
Viðræðunefnd Starfsgreinasambands Íslands situr á fundi í húsnæði ASÍ þar sem farið er yfir næstu skref eftir að ríkisstjórnin kynnti skattabreytingatillögur sínar í gær.
„Mér líst ekkert sérstaklega vel á framhaldið, eins og kom fram í viðbrögðum samninganefndar ASÍ og forseta ASÍ í gær,“ sagði Flosi Eiríksson, framkvæmdastjóri SGS, í samtali við blaðamann skömmu áður en fundurinn hófst.
Tillögur stjórnvalda hjálpa ekki til
Sextán félög í Starfsgreinasambandinu hafa enn ekki vísað yfirstandandi kjaradeilu við Samtök atvinnulífsins til ríkissáttasemjara.
„Viðræðunefndin hefur umboð frá samninganefndinni til að vísa kjaradeilunni til ríkissáttasemjara telji hún ástæðu til og við getum sagt að þessar tillögur sem stjórnvöld kynntu í gær hjálpa ekki til að leysa hana. Verkefni þessa fundar sem er að hefjast er að fara yfir þá hluti og reyna að taka afstöðu til þess hvernig er skynsamlegast að taka næstu skref,“ sagði hann.
Hann bætti við að engin ástæða sé til að vera bjartsýnn um framhaldið miðað við stöðu mála. „Það eru vonbrigði með þetta útspil stjórnvalda og hversu rýrt það er fyrir okkar fólk.“
„Þetta er pínu óvanaleg staða“
„Mér finnst Halla Hrund svona Vigdísarleg“
Segir nýtt frumvarp gefa eldisfyrirtækjum auðlindir
Tapa fimm milljónum á dag
Moses Hightower og Prins Póló gefa út eyjalag
Átta morðmál á aðeins tólf mánuðum
„Þetta náttúrulega endar með ósköpum“