Eldur kom upp í bifreið á gatnamótum Bústaðavegar og Litluhlíðar um áttaleytið í kvöld.
Samkvæmt upplýsingum frá slökkviliðinu á höfuðborgarsvæðinu varð leigubílstjóri var við eld í bifreið sem var fyrir framan hann á gatnamótunum, fór út og lét ökumanninn vita og hringdu þeir í viðbragðsaðila.
Slökkviliðið sendi einn bíl á staðinn og mikill eldur var í bifreiðinni þegar þangað var komið. Greiðlega gekk að slökkva eldinn og varð engum meint af. Bifreiðin er þó mikið skemmd.