„Verkfallsboðun breytir engu um það að verkefnið er áfram hjá okkur. Við höfum þá lagaskyldu að boða fund innan fjórtán sólarhringa,“ segir Elísabet Ólafsdóttir, skrifstofustjóri hjá embætti ríkissáttasemjara, í samtali við mbl.is, spurð um framhald viðræðna sem formlega slitið var í gær.

Hún segist þó ekki geta upplýst um hvenær sá fundur yrði. „Við verðum í sambandi við aðila og metum stöðuna,“ segir Elísabet.

Frétt af mbl.is

LÍV vísar deilunni til sáttasemjara

Starfsgreinasamband Íslands vísaði viðræðum sínum og Samtaka atvinnulífsins til ríkissáttasemjara í gær og Landssamband íslenskra verslunarmanna gerði hið sama í dag.

Ríkissáttasemjari hefur ekki boðað til fundar með þessum félögum enn. Gert er ráð fyrir að það verði boðað til fundar á næstu dögum, upplýsir skrifstofustjórinn, sem segir að nóg verði að gera hjá embættinu á næstunni.

Tengdar fréttir

Kjaraviðræður

Hægagangur og vaxandi ókyrrð

• Aðalsteinn snýr aftur í Karphúsið
• „Mætti ganga hraðar“
• „Okkur þykir Isavia fullrólegt“
• Kjaradeilu vísað til ríkissáttasemjara

» Fleiri tengdar fréttir

• Blogga um frétt