Lagði Þjóðverjum lið við val á lagi

Einar Bárðarson sat í annarri tveggja dómnefnda í þýsku söngvakeppninni ...
Einar Bárðarson sat í annarri tveggja dómnefnda í þýsku söngvakeppninni í kvöld.

Einar Bárðarson lagahöfundur dæmdi í kvöld í söngvakeppni þýska ríkissjónvarpsins (d. Unser lied für Israel), en Einar er landsmönnum meðal annars kunnugur fyrir að hafa samið lagið Birta (e. Angel) sem var framlag Íslands í Eurovision árið 2001 auk fjölda annarra slagara.

Mbl.is náði tali af Einari skömmu eftir að úrslit voru tilkynnt í Þýskalandi. Hann segir að lögin sem kepptu í þýsku keppninni hafi öll verið mjög sterk. Fyrirkomulag keppninnar er annað en hér á landi og hefur Einar verið í sambandi við skipuleggjendur frá því síðasta haust, m.a. til að gefa álit á laga- og flytjendahugmyndum skipuleggjenda.

Tvær dómnefndir og þjóðin komast saman að niðurstöðu

„Ég var hérna í fyrra að dæma líka. Hér eru tuttugu dómarar sem koma héðan og þaðan frá Evrópu og koma þar af leiðandi inn í keppnina án þess að þekkja flytjendurna, heldur sjá lagið og flutninginn hér í fyrsta skipti. Síðan er hundrað manna dómnefnd sem er skipuð „lókal“ Eurovision-sérfræðingum, sem þeir kalla, og símakosning líka,“ segir Einar, en niðurstöður dómnefndanna tveggja og símakosningar hafa hver um sig þriðjungs vægi í lokaniðurstöðunni.

„Þeir gerðu þetta svona í fyrra og völdu Michael Schulte [með lagið You let me walk alone] sem náði fjórða sæti. Þeir voru ánægðir með þann árangur og ákváðu að gera þetta eins í ár,“ segir hann. „Þetta var mun betri keppni en í fyrra. Árangurinn í fyrra hefur kannski verið hvatning til þess að senda inn sterk lög. Lögin sjö voru öll alveg rosalega sterk,“ segir hann.

Þegar uppi var staðið varð ofan á lagið Sister, flutt af dúettnum S!STERS.

„Persónulega var ég með þær í þriðja sæti, en þær skutust upp á toppinn með atkvæðum þjóðarinnar. Það er athyglisvert að í fyrra voru allar þrjár dómnefndirnar sammála, en nú voru þær allar ósammála. Það er kannski ástæðan fyrir því að þær eru þrjár og mismunandi, því ef þær væru allar sammála væri kannski óþarfi að flækja hlutina,“ segir Einar.

„Sú sem ég var með í fyrsta sæti datt niður í annað sæti þegar atkvæði þjóðarinnar komu í hús,“ segir Einar, en hann kaus sem sigurvegara lagið The day I loved you most sem flutt var af söngkonunni Makeda.

Íslenska keppnin af svipaðri stærðargráðu

Þjóðverjar eru ekki að halda söngvakeppni í fyrsta sinn ef marka má orð Einars, en skipuleggjendurnir halda vel utan um keppnina að hans sögn.

„Þjóðverjarnir eru ofboðslega skipulagðir. Hljóð og öll framsetning er algjörlega til fyrirmyndar og það er gaman að fá að koma að þessu sem þátttakandi,“ segir Einar. Aðspurður segir hann keppnina ekki mikið stærri en þá sem haldin er á Íslandi og í Þýskalandi er ekki haldin forkeppni eins og hér heima.

„Þeir vilja að fólk nánast sjái lögin þarna fyrst, þau voru ekki sett í umferð fyrr en í gærkvöldi. Þeir vilja að fólk komi að lögum og flytjendum án þess að hafa myndað sér skoðun fyrirfram. Það er eiginlega sama upplifun og margir hafa af því sem gerist síðan á lokakvöldinu. Það er kannski hollt að einhverju leyti. Heima hefur kannski verið í gangi kosningabarátta í margar vikur fyrir keppnina, en þetta snýst bara um þessar þrjár mínútur,“ segir hann.

mbl.is

Innlent »

Stundum leynast merki í töluboxi

22:25 „Kúnstin við að safna er alltaf sú sama, að afmarka sig með einhverjum hætti. Annars tapast yfirsýnin. Áhuginn hverfur oft líka ef fólk afmarkar sig ekki, því þá er ekki hægt að dýpka sig í neinu,“ segir Eiríkur Jón Líndal, formaður Myntsafnarafélags Íslands, en það fagnar 50 ára afmæli nú um helgina með stórsýningu. Meira »

Komu í leitirnar nær þrjátíu árum seinna

22:10 Stundum getur raunveruleikinn reynst ótrúlegri en nokkur lygasaga. Það upplifðu þeir félagar Þorfinnur Sigurgeirsson, grafískur hönnuður og myndlistarmaður, og Magnús Valur Pálsson, grafískur hönnuður og kennari, nú í vikunni, en þá hafði Þorfinnur samband við Magnús eftir að hafa fengið skilaboð frá ókunnugri konu á Facebook. Meira »

Verkfallsvarsla verður efld til muna

21:55 Sólveig Anna Jónsdóttir, formaður Eflingar, segir það „svívirðilegt“ að fólk hafi sýnt einbeittan brotavilja þegar kemur að verkfallsbrotum. Hún vill efla verkfallsvörslu til muna í næstu viku þegar næstu tvö verkföll eru fyrirhuguð. Meira »

Á forræði hvers stéttarfélags fyrir sig

21:28 Það er á forræði hvers stéttarfélags fyrir sig að meta hvort það geti krafist þess að greiðsla úr verkfallssjóði sé háð „hógværri kröfu“ um þátttöku í verkfallsvakt eða skyldum viðburðum. Meira »

Foktjón og fastir bílar víða um land

20:54 Kalla þurfti til björgunarsveitir á Reyðarfirði í kvöld vegna fjúkandi þakplatna og brotinna rúða, en aftakaveður er á svæðinu líkt og víðast hvar á landinu. Á milli 70 og 80 björgunarsveitarmenn hafa sinnt útköllum það sem af er degi. Meira »

Tveir Íslendingar hlutu 100 þúsund

20:43 Tveir Íslendingar hlutu annan vinning í Jóker í útdrætti Eurojackpot í kvöld og fær hvor um sig 100 þúsund krónur í sinn hlut. Meira »

Ástand sem getur ekki varað lengur

20:05 Dagurinn hefur verið ákaflega annasamur að sögn formanns FHG – fyrirtækja í hótel- og gistiþjónustu og eiganda og framkvæmdastjóra Center Hotels. „Við erum búin að ljúka herbergjunum, þannig að nú eru veitingastaðirnir eftir,“ segir hann og kveðst vera á leiðinni í uppvaskið. Meira »

Skilti leyfð á afmörkuðu svæði

19:59 Skilti og útstillingar fyrirtækja á Laugavegi mega vera á afmörkuðum stöðum. Annað hvort við framhlið byggingar eða á svokölluðu millisvæði en aldrei á göngusvæði. Reglur um afnot af borgarlandinu vegna skilta og útstillinga voru samþykktar í febrúar 2017. Meira »

Seinkunin algert aukaatriði

19:20 „Við erum í skýjunum með það hversu vel þetta heppnaðist. Það má segja að allt hafi gengið eftir áætlun þrátt fyrir smá seinkun,“ segir Sævar Freyr Þráinsson, bæjarstjóri Akraneskaupstaðar, um skorstein Sementsverksmiðjunnar sem jafnaður var við jörðu í dag. Meira »

Krefst endurupptöku á máli Zainab

18:37 Lögmaður fjölskyldu Zainab Safari hefur farið fram á endurupptöku máls fjölskyldunnar hjá kærunefnd útlendingamála á grundvelli breyttra aðstæðna. Í samtali við mbl.is segir Magnús Norðdahl að atburðir dagsins hafi sýnt það svart á hvítu hversu sterk tengsl fjölskyldan hefði myndað hér á landi. Meira »

Þarf að greiða Guðmundi 1,2 milljónir

18:21 Landsréttur hefur snúið við dómi Héraðsdóms Reykjaness og dæmt blaðamanninn Atla Má Gylfason fyrir meiðyrði í garð Guðmundar Spartakusar Ómarssonar og til að greiða honum 1,2 milljónir króna í miskabætur. Meira »

Greiðsla úr sjóði háð þátttöku fólks

18:10 Á heimasíðu Eflingar kemur meðal annars fram að greiðsla úr verkfallssjóði sé háð „hógværri kröfu“ um þátttöku viðkomandi í verkfallsvakt eða skyldum viðburðum. Meira »

50 björgunarsveitarmenn sinnt útköllum

17:56 Björgunarsveitir á Suðurlandi voru kallaðar til vegna bíla sem sem fastir eru í ófærð á Hellisheiði og í Þrengslum á sjötta tímanum í dag, en fyrir voru þar hópar björgunarsveita sem manna lokanir á Hellisheiði, Þrengslum og Lyngdalsheiði. Meira »

Þórður hlaut blaðamannaverðlaun ársins

17:36 Þórður Snær Júlíusson, ritstjóri Kjarnans, hlaut blaðamannaverðlaun ársins 2018 fyrir bókina Kaupthinking.  Meira »

Landsréttur sneri við nauðgunardómi

17:30 Landsréttur hefur snúið við dómi Héraðsdóms Reykjavíkur og sýknað karlmann af ákæru um kynferðisbrot gagnvart konu.  Meira »

Freyju mismunað vegna fötlunar

17:11 Landsréttur hefur snúið við dómi Héraðsdóms Reykjavíkur í máli Freyju Haraldsdóttur gegn Barnaverndarstofu og er niðurstaða dómsins að Freyju, fyrrverandi varaþingmanni Bjartrar framtíðar, hafi verið mismunað vegna fötlunar. Meira »

Minni snjókoma en spáð var

16:37 Snjókoman á höfuðborgarsvæðinu það sem eftir lifir dags verður líkast til mun minni er veðurspár gerðu ráð fyrir í gær.  Meira »

Fall skorsteinsins séð úr lofti

15:53 Fjölmargir fylgdust með þegar skorsteinn Sementsverksmiðjunnar á Akranesi féll í dag. Sprengingin var tilkomumikil og mbl.is var á staðnum og myndaði úr lofti. Meira »

Aftur í Karphúsið á mánudaginn

15:28 Bryndís Hlöðversdóttir ríkissáttasemjari hefur boðað til næsta fundar í kjaradeilu Eflingar, VR, VLFA, LÍV, Framsýnar, VLFG við Samtök atvinnulífsins, en hann fer fram á mánudaginn kl. 10. Helgin verður nýtt til undirbúnings hjá deiluaðilum, segir ríkissáttasemjari. Meira »
Bækur um ættfræði, byggðasögu og ýmsan fróðleik til sölu
Til sölu nokkur grundavallarrit ættfræðinnar ásamt ritum um atvinnu- og byggðasö...
Davíð Stefánsson
Davíð Stefánsson frá Fagraskógi Til sölu ljóðabréf frá Davíð Stefánssyni til vin...
EIGUM ALLSKONAR STIGA Á LAGER
Sjá fjölmargar gerðir á: http://www.sogem-sa.com/stairs Sími 615 1750 Sjá einni...
110 fm sumarhús á Suðurlandi..
Sumarhús í Biskupstungum til sölu. Eru 2 hús, annað fullbúið og hitt með þrjú sé...