Annie Mist Þórisdóttir kynnir æfingu 19.3 í CrossFit Open-mótaröðinni í Perlunni aðfaranótt föstudags, en þar mun íslenski CrossFit-kappinn Björgvin Karl Guðmundsson etja kappi við Danann Frederik Aegidus.
Miðasala á viðburðinn er hafinn á Tix.is, en þar að auki verður kynningunni streymt í beinni útsendingu á Facebook-vef CrossFit Games.
Ljóst er að Ísland hefur skapað sér sess innan CrossFit-heimsins, en æfing 18.5 á Open-mótaröð síðasta árs var einmitt kynnt í CrossFit Reykjavík. Þar öttu kappi þær Annie Mist, Katrín Tanja Davíðsdóttir og Sara Sigmundsdóttir.