Skólaráð Fossvogsskóla hefur augastað á húsnæði sem hýst getur alla árganga skólans frá 1.-7. bekk út þetta skólaár og er að undirbúa samningagerð vegna þessa, samkvæmt tölvupósti Aðalbjargar Ingadóttur skólastjóra Fossvogsskóla til foreldra, sem sendur var út í kvöld.

Þannig yrðu allir undir sama þaki þær 12 vikur sem eftir eru af skólaárinu, en yngstu og elstu árgangarnir ekki aðskildir á tveimur mismunandi stöðum, eins og viðrað hafði verið eftir að ljóst varð að finna þyrfti nýtt kennsluhúsnæði fyrir skólabörnin út önnina.

Skólaráðið kom saman til fundar kl. 18 í kvöld, ásamt fulltrúum frá skóla- og frístundasviði og umhverfis- og skipulagssviði Reykjavíkurborgar og frístundamiðstöð Kringlumýrar. Skólastjórinn vonast til þess að geta upplýst foreldra barna við skólann nánar um niðurstöðuna á morgun.

Tengdar fréttir

Mygla í húsnæði

Kostnaður meiri en milljón á fermetra

• Margar ríkiseignir úr leik vegna myglu
• Rakaskemmdir í ókláruðum leikskóla
• Ósátt við 172 milljóna „bakreikning“
• Bærinn kaupir ekki bankann

» Fleiri tengdar fréttir

• Blogga um frétt