Tveir voru fluttir með þyrlu Landhelgisgæslunnar á Landspítala eftir að vélsleðar rákust saman á Fossadalsheiði á Hornströndum en lögreglu barst tilkynning um áreksturinn rétt fyrir klukkan tvö.
Samkvæmt upplýsingum frá lögreglunni á Ísafirði voru hinir slösuðu með meðvitund þegar þyrlan lagði af stað með þá suður til Reykjavíkur.
Ekki fengust nánari upplýsingar um líðan þeirra.