Kviknaði í gufubaði í Breiðholti

Slökkviliðið á höfuðborgarsvæðinu var kallað út nú rétt fyrir hálfellefu í kvöld vegna elds sem kviknaði í gufubaði í einbýlishúsi í Breiðholti. Samkvæmt vakthafandi slökkviliðsmanni voru fjórir íbúar hússins komnir út og búnir að slökkva eldinn þegar slökkviliðið kom á staðinn.

Gengið var úr skugga um að allur eldur væri slökktur og reykræsti slökkviliðið svo húsið áður en það fór á brott, en starfi er lokið á vettvangi. Talsverður reykur var á baðherbergi og í gufubaði, en reykræsting gekk vel.

Bílar af öllum slökkviliðsstöðvum voru sendir af stað þegar boðið kom fyrst, en þegar ljóst var að ekki væri um stórt verkefni að ræða voru bílar afturkallaðir.

• Blogga um frétt