Tveir voru fluttir með þyrlu Landhelgisgæslunnar eftir bílveltu milli Ólafsvíkur og Rifs. Í tilkynningu frá Landhelgisgæslunni segir að óskað hafi verið eftir aðstoð þyrlunnar laust fyrir klukkan þrjú í nótt.
Þyrlan tók á loft frá Reykjavíkurflugvelli skömmu síðar og sjúkrabíll flutti sjúklingana á flugvöllinn á Rifi en þar lenti TF-LIF um klukkan fjögur í nótt. Þyrlan flutti þá slösuðu til Reykjavíkur.