Faldi sig á háaloftinu hjá mömmu

mbl.is/Arnþór Birkisson

Landsréttur staðfesti í dag gæsluvarðhaldsúrskurð Héraðsdóms Suðurlands yfir karlmanni sem ákærður var fyrir líkamsárás í Vestmannaeyjum síðastliðinn fimmtudag. Manninn, sem var handtekinn vegna fjölda af­brota, meðal ann­ars lík­ams­árás­ir, hót­an­ir og skemmd­ir á lög­reglu­bíl, fundu lögreglumenn í felum á háaloftinu heima hjá móður hans.

Maðurinn, sem var úrskurðaður í gæsluvarðhald til 12. apríl, hefur orðið uppvís að níu líkamsárásum og er 22 málum, sem hann er talinn eiga aðild að, enn ólokið í réttarvörslukerfinu.

Þann 14. var lögregla kölluð að heimili manns í Eyjum vegna þess að áðurnefndur brotamaður var að ráðast á húsráðanda. Var hann með hníf og lýsti húsráðandi aðdraganda árásarinnar þannig að maðurinn hafi komið til hans og æst sig upp vegna sverðs sem hann hafi átt hjá húsráðanda, en sem lögregla hafði haldlagt. Kýldi maðurinn bæði og sparkaði í húsráðanda að því er fram kemur í úrskurði héraðsdóms.

Vitni eru sögð hafa verið að árásinni.

Lögregla lagði hald á hnífinn sem maðurinn var með, en þegar lögregla kom út aftur var búið að skera á alla hjólbarða lögreglubílsins sem fyrir vikið var óökufær.

Lögreglan fann svo árásarmanninn heima hjá móður hans, en þar hafði hann falið sig uppi á háalofti. Var hann í annarlegu ástandi er hann var handtekinn, barðist um, hrækti á lögreglumenn og hótaði þeim og fjölskyldum þeirra lífláti. 

Maðurinn var því næst færður í fangaklefa, en þangað inn hafði honum tekist að hafa með sér kveikjara og kveikti hann í teppi í klefanum. Lögreglumenn urðu fljótt varir við eldinn og slökktu. Leitað var þá á manninum á ný og fannst þá vasahnífur í innri buxnavasa hans. Vegna ástands mannsins var hins vegar ekki unnt að yfirheyra hann fyrr en daginn eftir.

Er það mat lögreglunnar í Vestmannaeyjum að maðurinn muni halda áfram að brjóta af sér, en rannsókn á málum hans er ekki lokið. Enn fremur segir lögregla rökstuddan grun um að maðurinn hafi rofið „í verulegum atriðum skilyrði sem honum voru sett í skilorðsbundnum dómi“.

Maðurinn hefur þegar hlotið 10 refsidóma og hefur verið dæmdur fyrir þrjár líkamsárásir, þar af tvær stórfelldar, fjóra þjófnaði, þrenn eignaspjöll, húsbrot, hótanir, vopnalagabrot, fíkniefnalagabrot og akstur undir áhrifum.

Þá er málum ólokið á hendur manninum, samtals 22, en tólf þeirra eru mál sem eru skilorðsrof á 12 mánaða fangelsisdómi sem hann hlaut í nóvember 2016. 

mbl.is

Innlent »

„Verðum að breyta um lífsstíl“

12:05 Agnes Sigurðardóttir, biskup Íslands, minntist á eldsvoðann í Notre Dame-kirkjunni í París og þau David Attenborough og Gretu Thunberg í páskapredikun sinn í Dómkirkjunni þar sem vandamál tengd loftslagsmálum voru henni hugleikin. Meira »

Tæknideild rannsakar vettvanginn

11:42 Tæknideild lögreglunnar á höfuðborgarsvæðinu rannsakar í dag vettvanginn þar sem eldsvoðinn varð í Dalshrauni í Hafnarfirði í gær. Meira »

„Hún flýgur aldrei aftur“

11:25 „Það væsir ekkert um hana hjá mér, hún virðist hafa það mjög gott,“ segir Halldór Jónsson um brandugluna sem hann bjargaði úr girðingu skammt frá Þórshöfn ásamt félaga sínum á dögunum. Meira »

„Það var mikill reykur“

11:06 „Hér kom upp eldur í bílageymslu, í einhverju dóti sem var geymt í bílageymslunni,“ segir Sverrir Björn Björnsson, varðstjóri hjá Slökkviliði höfuðborgarsvæðisins, í samtali við mbl.is. „Það var mikill reykur og þá hlýtur að vera töluverður eldur í þessu líka.“ Meira »

Allt tiltækt slökkvilið við Sléttuveg

10:13 Allt tiltækt slökkvilið á höfuðborgarsvæðinu sinnir nú útkalli við Sléttuveg í Reykjavík vegna mikils reyks í bílakjallara húsnæðisins. Útkallið barst kl. 9:56 samkvæmt upplýsingum frá Neyðarlínunni. Meira »

Logn í skíðabrekkum á páskadag

09:47 Landsmenn ættu að geta unað sér vel í skíðabrekkum víða um land í dag, en það stefnir í fínasta færi í brekkum víðast hvar og logn. Meira »

Messað við sólarupprás

09:17 „Kristur er sannarlega upprisinn,“ sagði séra Kristján Valur Ingólfsson, prestur við guðsþjónustu í Þingvallakirkju nú í morgun, páskadag. Eins og hefð er fyrir var upprisumessa sungin á Þingvöllum á þessum degi, og hófst hún kl. 5:50 eða nærri sólarupprás. Meira »

Eldvakt til miðnættis í Dalshrauni

08:51 Slökkviliðið á höfuðborgarsvæðinu var með svokallaða eldvakt til miðnættis í Dalshrauni í Hafnarfirði vegna eldsvoðans sem varð þar í gær. Að lokinni eldvaktinni fóru síðustu menn heim og vettvangurinn var afhentur lögreglunni, sem fer nú með rannsókn málsins. Meira »

Útköll í heimahús vegna hávaða

08:10 Nokkuð var um útköll í heimahús vegna hávaða úr samkvæmum á höfuðborgarsvæðinu í nótt. Þetta kemur fram í dagbók lögreglunnar. Meira »

Hægviðri víða með morgninum

07:09 Víða verður hægviðri með morgninum og skýjað að mestu. Hiti verður á bilinu 3 til 9 stig að deginum.  Meira »

Töluvert tjón í verslun Húsasmiðjunnar

Í gær, 21:35 Við slökkvistarf í eldsvoðanum í Dalshrauni í dag lak mikið vatn niður í verslun Húsasmiðjunnar, sem er á neðri hæð hússins sem brann. Óvíst er um hvort hægt verði að opna verslunina á þriðjudaginn. Meira »

Stefnir í hlýtt en vætusamt sumar

Í gær, 21:13 Einar Sveinbjörnsson veðurfræðingur, sem heldur úti veðurvefnum blika.is, rýndi sér til gamans í þriggja mánaða veðurspá Evrópsku reiknimiðstöðvarinnar. Gögnin gefa ágæta innsýn í hvernig sumarið gæti litið út hérlendis. Einar segir að líkur séu á því að meðalhiti hafni í efsta þriðjungi miðað við síðustu 30 árin á undan. Meira »

Sýnin breytti lífi mínu

Í gær, 20:30 Hrafnhildur Sigurðardóttir, stofnandi og annar eigandi Hugarfrelsis, hefur orðið fyrir andlegum upplifunum sem hafa breytt viðhorfum hennar til lífsins. Þessi fimm barna móðir úr Garðabænum segir tilgang lífsins vera að hjálpa öðrum, þroska sálina og breiða út ljósið og kærleikann. Meira »

Enginn liggur undir grun vegna bruna

Í gær, 20:25 Eldsupptökin í brunanum í fjölbýli í Dalshrauni í dag virðast hafa verið í herbergi erlends pars á þrítugsaldri. Enginn liggur undir gruni og enginn er í haldi lögreglu. Meira »

Brosir og hlær sig í gegnum allt

Í gær, 20:19 Hún segir það vanvirðing við lífið að láta sér leiðast. Þuríður Sigurðardóttir var aðeins 16 ára og feimin þegar hún söng fyrst opinberlega, en tilviljanir réðu því að söngurinn varð aðalstarf hennar í áratugi. Meira »

Vann tvær milljónir

Í gær, 19:39 Fyrsti vinningur gekk ekki út í lottoútdrætti kvöldsins og því verður potturinn tvöfaldur næst. Tveir skipta með sér bónusvinningnum og hljóta rúmlega 160 þúsund krónur í vinning. Meira »

Slökkviliðið að ljúka störfum

Í gær, 19:20 Slökkviliðið er nú að ljúka störfum á vettvangi eldsvoðans í Dalshrauni í Hafnarfirði sem varð fyrr í dag. Fjórum var þar bjargað af þaki logandi húss. Meira »

Láðist að kynna sér reglur um fiskveiðar

Í gær, 18:39 Um kl. 23 í gærkvöldi urðu varðstjórar í stjórnstöð Landhelgisgæslunnar þess varir að norska línuskipið Fiskenes var búið að leggja línu inn fyrir mörk hryggningastoppsvæðisins sem er í gildi um þessar mundir samkvæmt reglugerð Samkvæmt henni eru allar veiðar bannaðar frá 12. apríl til og með 21. apríl. Meira »

Bjóða heimilislausum í páskamat

Í gær, 18:20 „Sonur minn, sem bjó á götunni, lést 15. október síðastliðinn. Ég hafði hitt hann tíu dögum áður og þá töluðum við að ég ætlaði að fara að snúa mér að því að vinna fyrir fólkið á götunni og nú er ég að því,“ segir Guðrún Hauksdóttir Schram, móðir Þorbjörns Hauks Liljarssonar. Meira »