Lækkun íbúðaverðs milli mánaða ekki meiri frá 2010
Fjölbýli á höfuðborgarsvæðinu lækkaði um 1% milli janúar og febrúar og sérbýli ögn meira eða um 1,2%.
mbl.is/Sigurður Bogi Sævarsson
Setja bókamerki
Vísitala íbúðaverðs á höfuðborgarsvæðinu lækkaði um 1,0% í febrúar samkvæmt nýbirtum tölum Þjóðskrár Íslands. Er þetta er mesta lækkun sem hefur sést milli mánaða síðan í desember 2010, þegar íbúðaverð lækkaði um 1,2% milli mánaða að því er fram kemur í frétt sem birt er á vef Íbúðalánasjóðs.
Vísitala íbúðaverðs mælir breytingu á íbúðaverði samkvæmt þinglýstum kaupsamningum á höfuðborgarsvæðinu hverju sinni.
Árshækkun íbúðaverðs mælist nú 3,7% og er það minnsta 12 mánaða hækkun sem hefur mælst síðan í maí árið 2011. Lækkaði fjölbýli á höfuðborgarsvæðinu um 1% milli janúar og febrúar og sérbýli ögn meira eða um 1,2%.
Kort/Íbúðalánasjóður
Niðurstaða MDE kallar á breytingar
Benda á Samgöngustofu sem bendir út í heim
„Ert þú þá svona latte-lepjandi hjólagaur?“
„Við eigum hvergi heimili“
Myndskeið: Braut rúðurnar og rölti svo í burtu
Aðhald, frestun og eignasala
Segir óábyrgt að skipta út öllu bankaráðinu