Ekki er lögfræðilega útilokað að Sigríður Á. Andersen, fyrrverandi dómsmálaráðherra, beri einhverja fjárhagslega skaðabótaábyrgð á skipunum sínum í embætti dómara við Landsrétt.
Þetta kom fram í svari Trausta Fannars Valssonar dósents að loknum erindum á málþingi um dóm Mannréttindadómstóls Evrópu varðandi skipan dómara í Landsrétt. Spurningin barst úr salnum og var lögð fram í ljósi þess ef dómarar geti ekki mætt í vinnuna.
Trausti Fannar sagði að til þess að fá úr því skorið þurfi fyrst að láta reyna á ráðherraábyrgðina.
Hann sagði einn dóm hafa fallið varðandi dómararskipan þar sem ráðherra „þurfti að bera ákveðinn hluta vegna þess hvernig mál var lagt upp“. Ekkert liggi aftur á móti enn þá fyrir um að slík ábyrgð sé til staðar í Landsréttarmálinu.