Fundi lokið og verkfall á miðnætti
Fundurinn stóð um það bil 9 klukkustundum lengur en áætlað var.
mbl.is/Eggert
Setja bókamerki
Fundi verkalýðsfélaganna sex sem eiga í viðræðum við Samtök atvinnulífsins hjá ríkissáttasemjara er lokið. Sólarhringsverkfall hótelstarfsfólks og hópbifreiðastjóra er enn á dagskrá og hefst á miðnætti.
Þetta staðfestir Ragnar Þór Ingólfsson, formaður VR, í samtali við mbl.is en getur ekki sagt til um hvað fór fram á fundi dagsins vegna fjölmiðlabanns um viðræðurnar. „Það er samtal í gangi,“ segir Ragnar Þór.
Hann segir samtalið munu halda áfram næstu daga.
Fundurinn hófst kl. 10 í morgun og átti upphaflega aðeins að standa í klukkustund. Eitthvað nýtt virðist hins vegar hafa verið lagt fram af hálfu Samtaka atvinnulífsins og stóð fundurinn fram á kvöld.
50% fjölgun kærumála og aukið álag
„Ef það er einhver einn lærdómur...“
„Sárt að horfa upp á þetta“
Boðar 17 milljarða hagræðingu á næsta ári
Mánuður frá gosi: Lengsta gosið frá 2021
„Hefur smám saman verið að lagast“
Íranar hafi vísvitandi gætt hófs