Gagnrýnir „plebbaskap“ þingmanna

„Sumir þingmenn halda að það sé hlutverk þeirra að hafa eftirlit með öllu sem gerist í samfélaginu. Þingmenn sem geta ekki einu sinni haft sæmilegt eftirlit með sjálfum sér hafa ekkert með slík eftirlitsstörf að gera.“

Frétt af mbl.is

Valdbeiting lögreglu aldrei „krúttleg“

Þetta segir Brynjar Níelsson, þingmaður Sjálfstæðisflokksins, á Facebook-síðu sinni í dag vegna fundar allsherjar- og menntamálanefndar Alþingis í morgun þar sem fjallað var um aðgerðir lögreglunnar vegna mótmæla hælisleitenda á Austurvelli í Reykjavík að undanförnu. Fundurinn var haldinn að beiðni Pírata.

Brynjar segir engin takmörk virðast vera fyrir „plebbaskap einstakra þingmanna“ og bendir á að sérstök nefnd hafi verið sett á laggirnar árið 2017 til þess að fara yfir kvartanir og aðfinnslur vegna starfshátta lögreglunnar.

• Blogga um frétt