Ingimundur úr stjórn Isavia

Ingimundur Sigurpálsson lét af embætti stjórnarformanns Isavia á aðalfundi félagsins sem fram fór í dag á Hótel Natura í Reykjavík. Ingimundur hefur verið formaður stjórnar Isavia undanfarin sex ár. Þetta tilkynnti hann í ávarpi sínu á fundinum.

Borin var upp tillaga að nýrri stjórn Isavia á aðalfundinum, þar sem Ingimundur var ekki á meðal fulltrúa, og var hún samþykkt af fulltrúa eina hluthafans, ríkisins.

Nýja stjórn Isavia skipa Orri Hauksson, Eva Pandóra Baldursdóttir, Matthías Imsland, Nanna Margrét Gunnlaugsdóttir og Valdimar Halldórsson. 

• Blogga um frétt