Flugvél WOW Air, TF-DOG, tók á loft frá flugvellinum í Montréal í Kanada klukkan 12.06 að staðartíma, 16.06 að íslenskum tíma, en hún var send af stað eftir að önnur vél félagsins var kyrrsett á vellinum.

Eins og mbl.is greindi frá í morgun var TF-PRO, vél WOW, kyrrsett á flugvellinum í gærkvöldi að beiðni leigusala vélarinnar. Farþegum sem far áttu með vél­inni, ásamt áhöfn, var ekið á hót­el í nótt og þeim til­kynnt að vegna „tækni­legra örðug­leika“ yrði flug­inu frestað. TF-DOG, sem ný­kom­in var úr flugi frá Frankfurt til Kefla­vík­ur, var send af stað til Montréal.

Frétt af mbl.is

Vél WOW í Montréal tekin af félaginu

Samkvæmt áætlun átti kyrrsetta vélin að fara af stað til Keflavíkur klukkan 19.05 að staðartíma í gærkvöldi, og komast því farþegar nú í loftið um 17 tímum á eftir áætlun með annarri vél.

DV segist hafa heimildir fyrir því að búið sé að aflétta kyrrsetningu TF-PRO, en það hefur ekki fengist staðfest.

Tengdar fréttir

Sviptivindar í flugrekstri

Ernir hyggst skila inn flugrekstrarleyfi

• Fjórtán segja upp hjá Play
• Tilboð sem flugmenn Play þurfa að svara í dag
• Play tekur á móti nýrri þotu
• Hvað tekur við eftir „afsláttarárin“?

» Fleiri tengdar fréttir

• Blogga um frétt