Formaður Blaðamannafélags Íslands segir að ekki þurfi annað en að horfa til umfjöllunar blaðamanna um Icelandair og erfiðleika þess félags, samkeppnisaðila WOW air, til að sjá „hversu fjarstæðukenndir órar eru á ferðinni í stjórn Íslenska flugmannafélagsins“.

Þetta kemur fram í yfirlýsingu frá Hjálmari Jónssyni, formanni Blaðamannafélags Íslands, vegna bréfs Íslenska flugmannafélagsins þar sem rannsóknar á vinnubrögðum íslenskra blaðamanna og hlunnindum til þeirra frá helsta samkeppnisaðila WOW air er krafist.

Frétt af mbl.is

Vilja rannsókn á umfjöllun um WOW air

Hjálmar Jónsson, formaður Blaðamannafélags Íslands.

Hjálmar segir það á ábyrgð blaðamanna og skuldbindingu þeirra að fjalla á gagnrýninn hátt um mikilvæg fyrirtæki í íslensku efnahagslífi og að ekki sé talað um flugfélög sem starfi á viðkvæmum neytendamarkaði.

„Ég hef skilning á því að starfsmenn WOW air hafi áhyggjur af störfum sínum, en að rekja einhvern hluta af rekstrarvanda fyrirtækisins til umfjöllunar blaðamanna er að fara í geitarhús að leita ullar.“

Tengdar fréttir

Sviptivindar í flugrekstri

Ernir hyggst skila inn flugrekstrarleyfi

• Fjórtán segja upp hjá Play
• Tilboð sem flugmenn Play þurfa að svara í dag
• Play tekur á móti nýrri þotu
• Hvað tekur við eftir „afsláttarárin“?

» Fleiri tengdar fréttir

• Blogga um frétt