Samstarfsaðilar um gestakort Reykjavíkur hafa ákveðið að bjóða þeim erlendu farþegum WOW air sem eru strandaglópar hér á landi vegna gjaldþrots flugfélagsins ókeypis gestakort fram í næstu viku.

Þetta kemur fram í tilkynningu frá menningar- og ferðamálasviði Reykjavíkurborgar.

Gestakortið veitir handhöfum frían aðgang að Listasafni Íslands, Þjóðminjasafni, Borgarsögusafni, Listasafni Reykjavíkur, sundlaugum borgarinnar, Fjölskyldu- og húsdýragarðinum, Gerðarsafni og sundlaugum Kópavogs. Þá geta handhafar gestakortsins framvísað því í Strætó.

Með þessu vilja samstarfsaðilar leggja sitt af mörkum við að draga úr neikvæðri upplifun strandaglópa í borginni. Aðilar í ferðaþjónustu hafa verið upplýstir um þessa ákvörðun en talið er að um 1.000 erlendir gestir verði hér strandaglópar næstu daga.

Með þessu vilja samstarfsaðilar leggja sitt af mörkum við að draga úr neikvæðri upplifun strandaglópa. mbl.is/Eggert

Tengdar fréttir

Ferðamenn á Íslandi

Mikilvægt að vera á tánum

• Ferðaþjónusta aldrei vegið þyngra í landsframleiðslu
• Innviðir komnir að þolmörkum
• „Var lengi vel eini vinur ferðaþjónustunnar“
• „Hækkun VSK á ferðaþjónustu er þjóðhagslegt óráð“

» Fleiri tengdar fréttir

Sviptivindar í flugrekstri

Ernir hyggst skila inn flugrekstrarleyfi

• Fjórtán segja upp hjá Play
• Tilboð sem flugmenn Play þurfa að svara í dag
• Play tekur á móti nýrri þotu
• Hvað tekur við eftir „afsláttarárin“?

» Fleiri tengdar fréttir

• Blogga um frétt