Hreiðar Hermannsson, eigandi Stracta hótels, reiknar með 15% samdrætti í sumar vegna gjaldþrots flugfélagsins WOW air. Hótelið muni einkum finna fyrir minni sölu hópferða til Bandaríkjamanna. Til samanburðar spáir greiningardeild Arion banka 16% fækkun erlendra ferðamanna í ár.

Sigurður Smári Gylfason, sem rekur Hótel Grím í Reykjavík, segir bókanir hafa dregist saman um vel innan við 10% vegna falls WOW air.

Kristófer Oliversson, formaður FHG – fyrirtækja í hótel- og gistiþjónustu, telur að áhrifin af falli WOW air verði aldrei meiri en 5% út árið. Það sé áhyggjuefni að landsbyggðin virðist fá harðari skell en suðvesturhornið.

Þórður Birgir Bogason, framkvæmdastjóri RR hótela, segir hraða bókana hafa hér um bil helmingast eftir að WOW air fór í þrot, frá því í vikunni áður. Það geti þó verið hluti af sveiflu milli vikna. Því sé of snemmt að fullyrða nokkuð um langtímaáhrifin á þessu stigi.

Þá hefur félagið Alfred's Apartments boðið viðskiptavinum WOW air að koma á öðrum tíma, að því er fram kemur í umfjöllun um þessi mál í Morgunblaðinu í dag.

Tengdar fréttir

Ferðamenn á Íslandi

Ferðaþjónusta aldrei vegið þyngra í landsframleiðslu

• Innviðir komnir að þolmörkum
• „Var lengi vel eini vinur ferðaþjónustunnar“
• „Hækkun VSK á ferðaþjónustu er þjóðhagslegt óráð“
• Mikill áhugi ferðamanna á þyrluflugi

» Fleiri tengdar fréttir

Sviptivindar í flugrekstri

Ernir hyggst skila inn flugrekstrarleyfi

• Fjórtán segja upp hjá Play
• Tilboð sem flugmenn Play þurfa að svara í dag
• Play tekur á móti nýrri þotu
• Hvað tekur við eftir „afsláttarárin“?

» Fleiri tengdar fréttir