„Verkið sækist nokkuð vel og er á áætlun. Við stefnum á að klára fyrir nýtt skólaár,“ sagði Kristján Sigurgeirsson, verkefnastjóri, um framkvæmdir við Fossvogsskóla.

„Þetta lítur miklu betur út en rannsóknir sem gerðar voru gáfu til kynna. Það er okkur í hag.“ Mygluskemmdir í skólahúsinu reyndust minni en talið var í upphafi.

Töluvert mikið hafði lekið með gluggum á austurhlið austasta húss skólans, þar sem bókasafnið er. Glerið var illa þétt en gluggarnir í góðu standi og enginn fúi í þeim. Þar er verið að glerja upp á nýtt og er verkið um það bil hálfnað.

Kennsla 2.-7. bekkjar fer fram í Laugardal og sjá sex rútur um að flytja nemendurna til og frá skóla. 1. bekk er kennt í færanlegum skólastofum við skólann.

Tengdar fréttir

Mygla í húsnæði

Margar ríkiseignir úr leik vegna myglu

• Rakaskemmdir í ókláruðum leikskóla
• Ósátt við 172 milljóna „bakreikning“
• Bærinn kaupir ekki bankann
• „Ég tala um örveruefnasúpu, ég tala ekki um myglu“

» Fleiri tengdar fréttir