Tókust á um fjarveru Sigmundar
Setja bókamerki
Guðlaugur Þór Þórðarson utanríkisráðherra gerði fjarveru Sigmundar Davíðs Gunnlaugssonar, formanns Miðflokksins, að umtalsefni í umræðum um þriðja orkupakka Evrópusambandsins á Alþingi í dag í ljósi andstöðu Sigmundar við samþykkt málsins.
Þannig benti Guðlaugur Þór á að Sigmundur væri í Katar. Þorsteinn Sæmundsson, þingmaður Miðflokksins, bað um orðið undir liðnum fundarstjórn forseta og sagði Alþingi hafa skilning á því að Guðlaugur Þór þyrfti reglulega að vera erlendis vegna embættiserinda sinna.
Gagnrýndi Þorsteinn utanríkisráðherra fyrir að gera fjarveru Sigmundar tortryggilega í ljósi þess, sem ráðherrann hefði ekki nefnt, að Sigmundur væri erlendis í störfum sínum á vegum Alþingis.
Guðlaugur Þór svaraði því til að allir þyrftu að forgangsraða í störfum sínum. Honum hefði komið forgangsröðun Sigmundar í þessum efnum á óvart. Þá sagði hann að samið hefði verið um það við Miðflokkinn hvenær umræðan um málið færi fram.
Ísraelar hefna árásarinnar
Innviðir þandir og álagið „gríðarlegt“
Hægagangur og vaxandi ókyrrð
29 nautgripir fundust dauðir
Færa slökkviliðið til nútímans
„Það er skiljanlegt að þolinmæði þeirra sé lítil“
Segjast hafa skotið niður langdræga sprengjuvél
Þrjú og hálft ár fyrir skotárás í Úlfarsárdal