„Þó nokkur áhugi til staðar“

Skjáskot af síðunni hluthafi.com.
Skjáskot af síðunni hluthafi.com. Skjáskot

Guðmundur Yngvason, verkefnastjóri hjá Sólhúsum ehf., kveðst vongóður um að nægur áhugi sé fyrir áskrift svo að stofnað verði félag um lággjaldaflugfélag sem fjallað er um á vefsíðunni hluthafi.com. Fram kemur á síðu hluthafa.com að umsjónarmaður síðunnar sé Friðrik Atli Guðmundsson.

„Sólhús er verndari og kostar áhugahópinn, þ.e.a.s. þennan hóp sem kemur t.d. að gerð þessarar heimasíðu,“ segir Guðmundur og tekur fram að ekki sé sóst eftir stjórnarsetu í nýju félagi, heldur styðji hann aðeins við framtakið.

Félagið ekki verið stofnað enn

Hann segir Sólhús reiða sig á flugsamgöngur að miklu leyti, en félagið er stofnað árið 2003 og er byggingar- og leigufélag. „Í kreppunni þurftum við að starfa mikið erlendis og fljúga á milli með okkar starfsfólk o.fl. Okkur líst ekki á stöðu mála. Þótt það fljúgi mörg félög hingað, þá fljúga þau aðallega á sumrin og þegar mestu álagspunktar eru. Við sjáum fyrir okkur aukinn kostnað í tengslum við flugfargjöld heldur en hingað til ef við njótum ekki samkeppni á flugmarkaði,“ segir hann.

Guðmundur segir mikilvægt að leiðrétta ákveðinn misskilning varðandi framtakið sem hann hafi haft veður af. „Undanfari stofnunar á félögum er viðskiptahugmynd. Í þessu tilviki er talað um að endurreisa gamalt félag sem varð gjaldþrota eða stofna nýtt. Það kemur nánar fram á síðunni á hverju hún byggir. Það er mikilvægt að átta sig á því að það hefur ekki verið stofnað félag enn og þeir aðilar sem skrá sig á síðunni yrðu stofnendur að nýju félagi. Þar yrði svo kosin stjórn af hluthöfum hins nýja félags o.s.frv. sem verður okkur óviðkomandi,“ segir Guðmundur.

„Þetta er almenningshlutafélag sem þýðir að öllum býðst að vera þátttakendur, en þó er það skilyrði sett að það verður að vera hægt að stofna nýtt flugfélag eða að endurreisa það gamla. Ekkert hlutafé verður innheimt nema að undangengnu því að vilji sé fyrir því hjá stofnendum félagsins þegar stofnfundur verður haldinn,“ segir Guðmundur.

Ekki ljóst með fjölda áskrifenda enn

Aðspurður kveðst Guðmundur ekki geta upplýst um fjölda áskrifenda sem sýnt hafi áhuga, en hann gerir ráð fyrir því að þó nokkur áhugi sé til staðar. „Ég geri ráð fyrir því að það sé til staðar nægur markhópur sem hafi áhuga á þessu,“ segir hann.

Á vef hluthafa.com kemur fram að vonir standi til að safna 10 til 20 þúsund hluthöfum í almenningshlutafélagið sem myndi þá fjárfesta í nýju lággjaldaflugfélagi. Spurður hvort hann sé vongóður um að þessi fjöldi náist, segir Guðmundur að það fari að miklu leyti eftir því hvernig málið mælist fyrir og hver fjölmiðlaumfjöllun um málið verður. Hann nefnir einnig að einhverjir gætu haft hagsmuni af því að hluthafa.com takist ekki ætlunarverkið.

Hagsmunir hluthafanna ráði för

Á vef hluthafa.com eru tveir kostir nefndir í dæmaskyni. Annar að stofnað verði nýtt lággjaldaflugfélag í eigu almennings, takist ekki að endurreisa WOW air. Hins vegar að þeir sem leggi málefninu lið eignist hlut í nýju lággjaldaflugfélagi. Guðmundur segir að það fari allt eftir hagsmunum hluthafa hvað gert verði, safnist nægir fjármunir.

„Ef það verður til almenningshlutafélag, þá ber stjórn þess að gæta að hagsmunum hluthafanna. Þá verður að skoða viðskiptaáætlunina hjá hinum nýja rekstraraðila og meta hvort hún sé besti kosturinn á þeim tímapunkti. Síðan er auðvitað gert ráð fyrir því að fleiri kostir verði skoðaðir. Stjórninni ber skylda til að velja þann kost sem verður hagstæðastur fyrir félagið og verndar hluthafa,“ segir Guðmundur. Hann nefnir til viðbótar að aðilar í ferðaþjónustu víðs vegar um landið hafi sýnt verkefninu áhuga.

mbl.is

Innlent »

Safnað fyrir endurgerð Sóleyjar

Í gær, 21:33 Ég kynntist konunni minni í kvikmyndanámi og við elskum bæði sögulegar og dulrænar kvikmyndir. Sóley er þannig mynd.“  Meira »

Baka í fyrsta íslenska viðarhitaða ofninum

Í gær, 21:30 „Þetta er ástríða mín og ég vildi taka þetta alla leið,“ seg­ir Mat­hi­as Ju­lien Spoerry franskur bakari sem opnar ásamt konu sinni Ellu Völu Ármanns­dótt­ur bakaríið Böggvisbrauð í Svarfaðardal. Brauðið er bakað úr nýmöluðu hveiti frá Frakklandi og bakað í viðarhituðum brauðofni þeim fyrsta hér á landi. Meira »

Rannsókn lokið í Dalshrauni

Í gær, 20:56 Tæknideild lögreglunnar á höfuðborgarsvæðinu lauk rannsóknar á vettvangi þar sem elds­voðinn varð í Dals­hrauni í Hafnar­f­irði í gær. Hann hefur nú verið afhentur tryggingafélagi. Meira »

Kólnar smám saman í veðri

Í gær, 20:51 Það gengur í norðan og norðaustan 8-13 m/s með rigningu eða slyddu á austanverðu landinu seint í kvöld og nótt, að því er Veðurstofa Íslands greinir frá. Það mun snjóa á fjallvegum og því má búast við versnandi færð þar. Meira »

Aldrei fóru fleiri vestur

Í gær, 20:20 „Það var ekkert drama, allt gekk upp og meira til, og aðsóknin hefur aldrei verið meiri,“ segir Kristján Freyr Hall­dórs­son, rokk­stjóri tón­list­ar­hátíðar­inn­ar Aldrei fór ég suður. Meira »

Innnes hækkar ekki vöruverð

Í gær, 18:49 Engar verðhækkanir vegna nýrra kjarasamninga eru í farvatninu hjá Innnesi, segir forstjóri fyrirtækisins. Hann segir samningamenn hafa sýnt skynsemi og að hinn nýi kjarasamningur sé góður. Meira »

Fiskeldi svar við risavöxnum áskorunum

Í gær, 18:23 Útflutningsverðmæti fiskeldis á ársgrundvelli hér á landi gæti komið til með að slaga hátt upp í útflutningsverðmæti þorskaflans, þegar okkur tekst að nýta burðarþol fjarðanna samkvæmt fyrirliggjandi burðarþolsmati Hafrannsóknastofnunar. Meira »

Ekki hótun hjá ÍSAM

Í gær, 18:03 „Ég skil vel að þetta hafi vakið eftirtekt, en ég skil ekki að menn skuli líta á þetta sem einhverja hótun eða klofning hjá SA. Þá er búið að snúa hlutunum svolítið á hvolf,“ segir Hermann Stefánsson, forstjóri ÍSAM. Meira »

Humarpizza er ekkert pizza!

Í gær, 17:30 Á Glóð á Egilsstöðum má nú fá eldbakaða pizzu sem að sögn eigandans er nákvæmlega eins og þú myndir fá hana í Róm. Hann flutti inn menntaðan pizzubakara, sem tekur sér 50 klukkustundir í að gera deigið. Meira »

Klifraði ölvaður upp á þak

Í gær, 17:25 Lögreglan á höfuðborgarsvæðinu hefur haft í einu og öðru að snúast á þessum páskadegi. Snemma í morgun barst lögreglu tilkynning frá fjölbýlishúsi í Hlíðunum í Reykjavík um að ölvaður ungur maður hefði farið út á svalir á fjórðu hæð og þaðan upp á þakið. Meira »

Skelfileg sjón blasti við eigandanum

Í gær, 16:55 „Eigandi þessarar bifreiðar lenti í því að hjólbarði sprakk á bifreiðinni í gærkvöldi. Bifreiðin var skilin eftir á Stapavegi rétt hjá Stofnfiski í Vogum á Vatnsleysuströnd. Er eigandinn kom að bifreiðinni í morgun blasti þessi sjón við honum,“ skrifar lögreglan á Suðurnesjum í færslu á Facebook. Meira »

Íslendingar á Sri Lanka óhultir

Í gær, 14:58 Nokkrir Íslendingar sem staddir eru á Sri Lanka hafa sett sig í samband við borgaraþjónustu utanríkisráðuneytisins til þess að láta vita af sér. Ráðuneytið veit ekki betur en að allir Íslendingar sem staddir eru ytra, þar sem yfir 200 eru látnir eftir hryðjuverkaárásir, séu heilir á húfi. Meira »

Slökkvistarfi lokið við Sléttuveg

Í gær, 14:11 Vettvangur eldsins sem braust út í bílakjallara við Sléttuveg 7 á tíunda tímanum í morgun var afhentur lögreglu rétt fyrir hádegi í dag. Meira »

Atli Heimir Sveinsson látinn

Í gær, 14:06 Atli Heimir Sveinsson er látinn, áttræður að aldri. Þetta kemur fram í tilkynningu frá fjölskyldu tónskáldsins.  Meira »

Íslendingar í Sri Lanka láti vita af sér

Í gær, 14:00 Utanríkisráðuneytið hefur óskað eftir því að Íslendingar í Sri Lanka láti aðstandendur vita af sér eftir hryðjuverkaárásirnar í morgun. Þá er þeim sem þurfa á aðstoð að halda bent á að hafa samband við neyðarsíma borgaraþjónustunnar +354-545-0-112. Meira »

„Verðum að breyta um lífsstíl“

Í gær, 12:05 Agnes Sigurðardóttir, biskup Íslands, minntist á eldsvoðann í Notre Dame-kirkjunni í París og þau David Attenborough og Gretu Thunberg í páskapredikun sinn í Dómkirkjunni þar sem vandamál tengd loftslagsmálum voru henni hugleikin. Meira »

Tæknideild rannsakar vettvanginn

Í gær, 11:42 Tæknideild lögreglunnar á höfuðborgarsvæðinu rannsakar í dag vettvanginn þar sem eldsvoðinn varð í Dalshrauni í Hafnarfirði í gær. Meira »

„Hún flýgur aldrei aftur“

Í gær, 11:25 „Það væsir ekkert um hana hjá mér, hún virðist hafa það mjög gott,“ segir Halldór Jónsson um brandugluna sem hann bjargaði úr girðingu skammt frá Þórshöfn ásamt félaga sínum á dögunum. Meira »

„Það var mikill reykur“

Í gær, 11:06 „Hér kom upp eldur í bílageymslu, í einhverju dóti sem var geymt í bílageymslunni,“ segir Sverrir Björn Björnsson, varðstjóri hjá Slökkviliði höfuðborgarsvæðisins, í samtali við mbl.is. „Það var mikill reykur og þá hlýtur að vera töluverður eldur í þessu líka.“ Meira »