Líkt og flestalla daga stöðvaði lögreglan á höfuðborgarsvæðinu nokkra ökumenn í nótt sem grunaðir eru um akstur undir áhrifum fíkniefna og áfengis.
Einn var stöðvaður um áttaleytið á Vesturlandsvegi á Kjalarnesi. Hann er grunaður um akstur undir áhrifum fíkniefna og vörslu fíkniefna.
Um hálfeittleytið í Reykjavík í nótt var svo annar stöðvaður, grunaður um akstur undir áhrifum fíkniefna og vörslu fíkniefna. Hann hafði ekki ökuskírteini sitt meðferðis, segir í dagbók lögreglunnar.
Þá var einn stöðvaður um hálftvö í Hafnarfirði. Sá er grunaður um akstur undir áhrifum áfengis og fíkniefna, vörslu fíkniefna og brot á lyfjalögum. Hann var vistaður í fangageymslum í nótt.