Lögreglan á höfuðborgarsvæðinu var kölluð að heimili í Árbæ á áttunda tímanum í kvöld. Að sögn lögreglu var ósætti meðal heimilisfólks og eiginmaðurinn með hníf á lofti.
Maðurinn lét sig hverfa er hann vissi að lögreglan væri á leiðinni og er málið til rannsóknar.
Þetta er meðal þess sem kemur fram í dagbók lögreglunnar. Rétt fyrir klukkan sjö í kvöld var ekið á hjólandi barn í Kópavogi. Barnið er ómeitt en hjólið illa farið.
Lögreglu barst einnig tilkynning um slagsmál fyrir utan Gistiskýlið á Lindargötu rétt fyrir klukkan sjö. Þar var einn handtekinn en í ljós kom að hann hafði fyrr um daginn stolið tösku.
Auk þess varð umferðaróhapp við Hörpuna á sjöunda tímanum. Þar hafði bifreið verið bakkað ofan í tjörn.