Katrín fundar með Sturgeon

Katrín Jakobsdóttir forsætisráðherra mun eiga fund með fyrsta ráðherra Skot­lands, Nicolu Stur­geon, í Edinborg í dag þar sem væntanlega verður rætt um norðurslóðastefnu Skota, Brexit og tengsl Skotlands við Norðurlöndin. Þetta kemur fram á BBC.

Sturgeon segir að Ísland og Skotland eigi margt sameiginlegt og hún sé afar ánægð með heimsókn Katrínar og að hún verði til þess að auka enn frekar á tengsl landanna.

Sturgeon segir í samtali við BBC að það sé svo margt aðdáunarvert við Ísland, ekki síst hvað varðar launajafnréttindi kynjanna, sterka löggjöf um jafnan rétt kynjanna varðandi stöðu á vinnumarkaði og laun. 

• 1 blogg um fréttina

Bloggað um fréttina

• Ívar Pálsson: Æpandi þögn Katrínar og VG