Veittist að sambýliskonu sinni

Maðurinn, sem er fæddur 1972, mætti ekki fyrir dóminn og …
Maðurinn, sem er fæddur 1972, mætti ekki fyrir dóminn og var dómur kveðinn upp að honum fjarstöddum. mbl.is/Þorsteinn Ásgrímsson

Karlmaður var í dag dæmdur í þriggja mánaða skilorðsbundið fangelsi í Héraðsdómi Reykjavíkur fyrir ofbeldi í nánu sambandi. Í lok janúar í fyrra veittist maðurinn að sambýliskonu sinni, bæði utandyra í Breiðholti og á heimili þeirra, tók hana kverkataki, ýtti henni upp við vegg, hrinti henni og sló hana í andlitið.

Þetta ofbeldi mannsins hafði þær afleiðingar að konan hlaut meðal annars mar í andliti, á hálsi, brjóstkassa, öxl, upphandlegg, framhandlegg, hægri úlnlið, framanverðu vinstra læri og á báðum kálfum.

Maðurinn, sem er fæddur 1972, mætti ekki fyrir dóminn og var dómur kveðinn upp að honum fjarstöddum. Hann hafði ekki áður gerst sekur um refsiverða háttsemi, samkvæmt dómi héraðsdóms. Manninum var gert að greiða 44.900 kr. í sakarkostnað.

mbl.is
Fleira áhugavert
Fleira áhugavert