Innleiðing áhættumats getur verið flókin
Setja bókamerki
Það eru ekki mörg sveitarfélög á Íslandi sem hafa sett sér stefnu um aðlögun í loftslagsmálum. Þetta kom fram í máli bæði Ásdísar Hlakkar Theodórsdóttur, forstjóri Skipulagsstofnunar, og Hrannar Hrafnsdóttur, sérfræðings á umhverfis- og skipulagssviði Reykjavíkurborgar, á ráðstefnu sem Loftslagsráð stendur fyrir í dag um aðlögun Íslands að loftslagsbreytingum.
Sagði Ásdís Hlökk rannsókn sem gerð var 2015 hafa sýnt að sveitarfélög hér á landi séu almennt meðvituð um tengsl skipulags og loftslagsbreytinga, en að þau beiti sér mismikið í þeim efnum. Reykjavíkurborg skeri sig úr hvað þetta varðar. Sveitarfélög hafi því tækifæri á að taka á loftslagsbreytingum af meiri myndugleika við skipulagsgerð en gert sé í dag.
Hrönn benti á að Reykjavíkurborg haf sett sér stefnu um um aðlögun að loftslagsmálum og þannig sé til að mynda horft til hækkunar sjávarstöðu við skipulag byggðar.
Sagði hún yfirborðshækkun sjávar, flóð, sjávarflóð, flóð frá ám, vötnum og fráveitukerfum vegna meiri úrkomu og skýfalla,sem og aukin tíðni ofsaveðurs og breytingar á lífríki á sjó og landi vera meðal þeirra verkefna sem áhættumat borgarinnar bendi á að horfa þurfi til.
Áhættumat getur þó verið ólíkt fyrir mismunandi staði hér á landi, rétt eins og sveitarfélögin sjálf. „Hvernig er hægt að mæta slíkri áhættu? Það getur verið ólíkt milli staða,“ sagði hún og nefndi sem dæmi ólíkar aðstæður í Reykjavík og á Höfn í Hornafirði. Innleiðingin geti því verið flókin og við mótun slíkrar stefnu þurfi hins vegar vöktun, mat og gott stuðningslíkan.
Árshátíð ríkislögreglustjóra haldin í Tékklandi
„Skýr skilaboð til Seðlabankans“
„Hvílir mikil leynd yfir þessu öllu“
Handteknir eftir myndatöku í Vesturbæjarlaug
Skemmtiferðaskip hætt komið nærri Viðey
„Á réttri leið en nokkuð í land ennþá“
Handtekin eftir að tvö börn fundust látin